بقلم: د. شيماء صبحي آآآه يا بنتي... رجعلك؟! ده مش راجعلك... ده راجع لـ"نفسه" اللي ضاعت منك! (اللي أول ما شافتهم بيرجعوا… قالت: في إيه؟ نقصتكم غلا؟!) 1. رجع بعد ما جرب "اللي بعدك"! رجع وهو بيقنعك إنه فهم قيمتك بس الحقيقة؟ هو جرب، وقارن، ومفيش حد عرف يحبه "ببراءتك"، ولا يهتم بيه "بحنانك"، ولا يسامحه "بقلبك" تحليل نفسي: ما رجعلكش لأنه اتغير… رجعلك لأنه فشل في غيرك الحل؟ اسألي نفسك: "هو راجعلي أنا؟ ولا راجع للإحساس اللي كنت بدّيه؟" 2. رجع لما شافك مرتاحة بدونه أنتي خرجتي من العلاقة وأزهرتي ابتسمتي، اشتغلتي، نورتِ رجعلك؟ مش علشانك… علشان النور دا بيوجعه! تحليل نفسي: مش راجع يحبك… راجع "يطفيكِ"! الحل؟ لو حسيتِ إنك قلتي "أهلاً" وأنتي من جواكي بتقوليله "إمشي"، يبقى امشي وانتي… واطفي السكة وراك 3. رجع بعد ما تجاهلك وقت ما كنتي بتتمني كلمة فاكرة الأيام اللي كنتي بتعيطي فيها على رسايل ما تردش؟ رجعلك لما بطلتي تبعتي، وبطلتي تفكري، وبقيتي شبعانة بنفسك تحليل نفسي: هو ما وحشكش… هو اتحرم من شعور السيطرة الحل؟ ما ترجعهوش مكانه القديم… سيبيه يتفرج من بعيد على اللي خسره بإيده 4. رجع باعتذار؟ ولا بلطجة عاطفية؟ قالك: "أنا غلطت… بس إنتي كمان عملتي كذا" رجعلك ويحاسبك على رد فعلك وقت ما كان بيكسرك! تحليل نفسي: ده مش اعتذار… ده محاولة "تبييض وجه" الحل؟ الاعتذار الحقيقي بيجي بدون مبررات… واللي يبرر، لسه مش ناضج 5. رجع وهو لسه نفس الشخص مش اتغير لسه بيتهرب من المواجهة لسه شايف نفسه صح لسه بيداري ضعفه بتقليلك تحليل نفسي: فيه فرق بين حد اتغير، وحد اتلخبط فرجع الحل؟ اختبري مشاعره… بالكلمة، بالموقف، بالزمن وافتكري: الرجوع مش بطولة… الرجوع مسؤولية طيب لو لسه بتحبيه؟ ماشي… بس: مشاعرك ليها قيمة وكرامتك مش ورقة بتتمضى والتاريخ ما يتنساش، بيتحلل… وبيتحط في القرار قاعدة ذهبية: اللي سابك وانت بتحبيه، ممكن يرجع لما تكرهيه. بس ساعتها... مش هيبقاله مكان جواكي.
