المقالات والسياسه والادب
قاعدة على الكنبة في ركن بيتها بقلم د/إلهام حسنى
في يوم من الأيام بعد يوم طويل من الشغل والتفاصيل كانت قاعدة على الكنبة في ركن بيتها فـ حضن الصمت والضوء الخفيف وسألت نفسها سؤال بسيط جدًا…
هو الجواز اللي أنا فيه ده.. زي ما كنت بحلم؟
ولا هو المفروض كده؟
ولا أنا اللي مش فاهمة يعني إيه جواز أصلاً؟
سؤال بسيط بس ممكن يهد بيوت ويصلح بيوت.
ممكن يفتح باب وعي أو يقفل باب أمل.
علشان كده كان لازم نكتب المقال ده. مش تنظير ومش حكم مثالية…
لكن بصوت كل واحدة بتفكر وكل واحد بيتمنى يعيش علاقة سكن مش سجن.
طيب… إيه هي صفات الزواج الصحيح فعلًا؟
1. هو علاقة فيها راحة مش رقابة
الزواج الصح مش كاميرات مراقبة ولا تحقيق دائم.
هو مكان تبقى فيه على طبيعتك من غير تمثيل ولا تبرير وتلاقي اللي قدامك بيحبك كده.. بكل حالتك.
2. هو تواصل مش تكسير مجاديف
الناس اللي بتحب بعض بجد بيتكلموا..
مايسيبوش الغضب يكبر في الصدر ولا الصمت يحفر حفرة بينهم.
بيسمعوا لبعض حتى لو الكلام تقيل.
لأن الأهم من الراحة اللحظية هو الاستقرار الحقيقي.
3. هو مش حرب مين يكسب.. هو رحلة مين يحتوي
الزواج مش تحدي دائم لإثبات مين الأقوى ولا مين غلط أكتر.
الزواج الصح فيه حد بيتنازل بحب وحد بيعتذر بتواضع وحد بيحتوي التاني بدل ما يدفعه للهاوية.
4. هو أمان
فيه بيوت فيها فرش غالي ومفروشات فاخرة بس مافيهاش أمان.
وفيه بيوت بسيطة لكنها دافية فيها حضن بيرجع القلب لحياته.
الزواج الصح هو الأمان مش الغنى ولا المظاهر.
5. هو مشاركة.. مش خدمات
الزواج مش شركة خدمات
الزوج مش موظف تموين والزوجة مش عاملة نظافة.
الزواج شراكة نفسية وعاطفية قبل ما تكون عملية.
نتشارك الهم.. ونفرح سوا.
6. هو مساحة للنمو
الزواج الصح يخليك تتطور مش تتآكل.
يكون فيه تشجيع دعم تصفيق وقت النجاح وكتف وقت الفشل.
مش تقليل ولا مقارنات ولا خنق لطموحاتك.
7. هو فيه إحسان مش بس عدالة
فيه ناس بتفتكر إن العدل كفاية…
لكن الزواج الحقيقي محتاج إحسان..
تعامل أحسن مما تستحق.. ورد فعل أطيب من المتوقع.. ولمسة حنان مش مطلوبة لكنها بتفرق
8. هو حب.. بس حب ناضج
