قدمي لنفسك رعاية امتى أعرف إني محتاجة أهتم بنفسي ؟ لما التفكير الزايد "over thinking "مايفارقش دماغي حتى وأنا نايمة لما أصحى من النوم أحس إن اليوم خلص لما أكره يوم السبت عشان بعديه الأحد وورايا مليون حاجة عايزة تخلص لما أكلم حد وعنيا مابتركزش فيه وعمالة تلف في كل مكان وأنا بتكلم لما أقعد اليوم كله بقول ورايا الف حاجة عايزة تتعمل وماعملش ولا حاجة لما اخرج اتفسح ومحسش بالفسحة لما افتح كل فيديو عايزة اسمعه اسمع فيه ٥ دقايق واقفله تاني من تأنيب الضمير لو دا حصل معاكي وقفي لحظة واعرفي إن "الأنثى خلقت لتستمتع " ودا معناه آن كل أدوارك اللي بتقومي بيها مش بتعمليها بحب عشان كدة مش بتستمتعي بيها لو بقيتي نفسك مرهقة وتعبانة من ادوارك اللي بتقومي بيها معناها إنك جيتي على نفسك لحد ماتعبتي كل أدوارك مهمة بس أهمهم هو اهتمامك بنفسك وصحتك لأنه هو اللي هيديكي الطاقة والراحة وانتي بتعيشي أدوارك في الحياه خللي نفسك أولوية عشان تقدري تساعدي اللي حواليكي وإن فعلا تعبتي و بقيتي مرهقة سيبي كل شي وارتاحي عودى نفسك على عادة نفسية مهمة لما تحسى بضيق أو ألم انك تقعدى مع نفسك و تسأليها كصديقة : حاسة بإيه؟ ايه مشاعرك ايه الفكرة الى جت فى دماغك ايه الى حصل خلاكى تحسى بكدة ايه الاحتياج الى كنتى محتاجه ايه الى كنتى متوقعه و ماحصلش القاعدة دى ممكن ماتاخدش منك خمس دقايق بس بس ممكن تساعدك فى تهدئة مشاعرك و مع الوقت و الاستمرار هتزود وعيك بنفسك و فهمك ليها بشكل مستمر هتعرف ايه الافكار الى بتيجى فى مخك و تخليكى دايما متضايقه هتعرفى توقعاتك و تطلبى طلباتك بشكل واضح و صريح تمرين بسيط جدا بس الاستمرار فيه فايدته كبيرة
