أدب وثقافه
كأني غريبة…بقلم/مايسه امام
-
-——————
أمانة عليك ….حبيني
وحسيني…. وضميني
وخففي شوية …أنيني
أنا جروحي بقت بالكوم
ولا لقيه …. دموع عيني
معجونة أنا من طينك
شارب شرياني من نيلك
وعرقي…. جوده من جودك
وبحبك..بحبك رغم صدودك
ليه تقسي أوي…… تهينيني
أنا عاشقة…… لشطآنك
وكارهه ياغالية….. أحزانك
وشايلة السيف…. لخوانك
دا دمه حلال…. على ترابك
ليه بس عقلك……. ناسيني
بغزل أنا حروف الصبر
ونولي شاهد….. على بابك
بعلم غزله………. لولادك
وأضرب سلام …. لعوادك
ويغني قلبي …… مواويلك
ليه…. انتي ليه ماتغنيني
مبقتش عارفة إن أحبك
ولا أهرب إزاي من كرهك
ولا قادرة أستحمل جمرك
ولا قادرة أبعد وأفارقك
صعبان علي من أهلك
ناكريني…… رغم سنيني
ياطيبة…… يابلد الطيبة
بلاش……. تخليني غريبة
في أرضي وأكره أنا قربك
الشوك ملاني في حضنك
ضميني ياما ضمني احميني
من الم الشوك …..احميني
طبطبي……….على شوية
طبطبي ……كأني غريبة
—مايسة إمام —-
تابعنا على
