“كان لازم اسيبك منبهر” أصدق جمله قالتها الفنانه أنغام في لقاء تليفزيوني.
فعلاً في نوعية ناس تشوفك تبقي في قمة الأنبهار بك. ده بيبان من لمعة عينها ولهفتها أنك تبادلها الحديث أو حتي محاولاتها المتكررة في القرب منك في أي مكان أنت بتتواجد فيه .
الناس دي ميستاهلوش غير ابتسامة فقط في أول لقاء وأنك لا تلتفت لهم مرة أخرى وأن يبقوا هناك متعلقين في مرحلة الأنبهار ولا يتجاوزوا حدودها.
لأنه الحياة اثبتت أن الناس دي اكتر ناس أما تقريهم منك بيحاولوا يقللوا منك بعدين في كلامهم أو هزارهم إللي كله غل ونفسنه أو يشوهوا صورتك لأنهم مبيقدروش يبقوا زيك .الحياة هتعلمك أن إللي بيغير منك لو مقدرش يبقي زيك هيحقد عليك ويحسدك أو يقلل منك عشان يرضي عنده عقدة النقص اللي هو حاسس بها .ده مش غرور منك لأ.انت فعلاً عارف قيمة نفسك كويس وعارف أنهم مكانوش يستاهلوا فرصة قرب منك أصلاً ولا أنهم يعرفوا عنك ولو القليل أو ياكلوا معاك عيش وملح .
اتعلم تفرق بين مين اللي يستاهل قربك ومين إللي لازم تحط له حدود تحجمه بها وتسيبه منبهر.
