المقالات والسياسه والادب
كفاية كده كتبت / شمس فتحى
كفاية كده
أصعب جملة على قلب الستات
عشان بنحس اننا بنقصر
بنحس بالذنب بس الحقيقة؟
كفاية كده دي هي اللي بتنقذنا
من الضرورى نتصالح مع كفاية كده
إفهمي إن كفاية مش معناها فشل
كفاية معناها أنا إديت اللي أقدر عليه النهاردة
البيت مكان نعيش فيه واحنا مبسوطين مش فندق وخدمته لازم تكون ٥ نجوم
طبق نضيف + أكل موجود + حضن =كفاية كده جدا
دايما خبرى حالك لو معملتش ده دلوقتي الدنيا مش هتخرب
واننا بنعمل كل ده عشان بنحب
مش عشان خايفين من الكلام
بدلي جلد الذات بالتعاطف
بدل أنا مقصرة قولي أنا بني آدمة وتعبانة ومن حقي ارتاح
عاملى نفسك زي ما بتعاملي صاحبتك المريضة هتقوليلها قومي اغسلي؟ لأ هتقوليلها ارتاحي
ابدئي بحاجات صغيرة جداً
النهاردة كفاية الأهم بسد
الباقي والمهم لبكرة
كل مرة تقولى كفاية وتحسى بالراحة مخك هيصدقها أكتر
إفتكرى القاعدة الذهبية
الكوب الفاضى مبيعرفش يملى حد
لو انتي وقعتي من التعب محدش هيستفيدصحتك هي اللي مشغلة
البيت كله
التصالح مع كفاية كده هو تمرد صغير على فكرة لازم اثبت إنى جامدة
هو اعلان حب لنفسك
