المقالات والسياسه والادب
كن نبيلا في خصومتك كتبت / شمس فتحي
كن نبيلا فى خصومتك
جملة لو وقفت عندها شوية هتلاقيها بتوزن ميزان الأخلاق كله
الخلاف مش مبرر للقسوة
مهما كان حجم الخلاف ومهما وصل بينكم الزعل النبيل عمره ما بيستغل وجع يعرفه عن اللي قدامه
عمره ما بيجيب سيرة سر اتقاله في وقت صفا
وعمره ما بيضرب في أكتر مكان
بيوجع لمجرد انه عايز يكسب الخناقة
الشرف مش في المودة بس
كلنا بنعرف نبقى كويسين واحنا بنحب الكلمة الحلوة سهلة والطبطبة أسهل
لكن الاختبار الحقيقي ؟ الاختبار لما نختلف
كن شريفا في خصومتك كما
أنت شريف في مودتك
لأن الأخلاق الحقيقية لا تظهر حين نتفق بل حين نختلف
النبل مش تمثيل
النبيل هو اللي بيفضل نبيل في
السر زي العلن
اللي لسانه ميتلسنش واللي ايده متتمدش على الوجع
اللي حتى وهو موجوع بيقول “مش هقرب من النقطة دي عشان عارف انها بتوجعه”
وفي الآخر
اللي بيكسب الخناقة مش اللي
صوته أعلى
اللي بيكسب هو اللي نام
وضميره مرتاح
اللي مقالش كلمة ندم عليها واللي محافظ على صورته قدام نفسه قبل الناس
كن نبيلا دايما
عرض أقل
