مشكلة عامة ولكن تقريبا فى كل التجمعات النسائية يصير الحديث واحدا وشكوى واحدة "انا مضغوطة أنا مش ملاقيانى" "مش فى شي كامل أو كما أتمنى" "مجهود مستمر على حساب حالى ومع ذلك لا فى شئ بيخلص ولا أنا لاقية حالى ولا سعيدة ولا محققة شئ " "شعور المعظم من النساء " بسبب الضغوطات من شغل بيت وأولاد إلتزامات كثيرة أول شي لازم عشان كل شئ يتغير أو يصير تحسن عشان دى معاناة كل ست بيت وبتشتغل هى واقفة مع النفس ثم أول خطوة لازم نعترف أن أول مشكلة تقصير مع الله "محتاجين نقرب " " عايزة ربنا بس حاسة إنى مقصرة" وده سبب كل اللى انت فيه والسر كله في كلمة واحدة "الاستمرارية مش الكمية" ربنا مش عايزنا نهد حيلناعايزنا نقرب ونثبت إزاي نقرب من ربنا وسط الزنقة من غير ثقل؟ خليها "سنن صغيرة" مستمرة اذكار وإنتى بتطبخى سبحى استغفرى "صل على النبى" الغسيل والموعين " يبقوا عبادة" دقيقتين قرآن آية واحدة بتدبر أحسن من جزء بسرعة ركعتين ضحى قبل ما تخلصى شغل البيت صغيرين بس بركة اليوم كله إربطي العبادة باللي بتعمليه أصلا وإنتى بتجهزي الغدا "اللهم بارك لنا فيه" وإنتى بتشربى مية افتكري "وجعلنا من الماء كل شيء حي" وإحمدي وإنتى ماشية "سبحان الذي سخر لنا هذا" الدعاء القصير اللى يريح مش لازم سجادة وخشوع ساعة قولى وإنتى بتشتغلى يا رب دبرني يا رب إربط على قلبى يا رب أعنى ربنا سامعك حتى لو همسة شيلي جلد الذات اليوم اللي وقعتى فيه ومصليتيش السنن إرجعي تانى من غير تأنيب ربنا بيحب العبد "التواب" مش "المعصوم" الصحبة اللي تشدك لقدام إسمعي درس 5 دقايق وإنتى بتروقى تابعى حد بيطمنك مش بيجلدك أهم قاعدة "أحب الاعمال الى الله أدومها وإن قل" حبة مية كل يوم أحسن من جردل مرة في الشهر إنتى بتجاهدي في بيتك وفي شغلك وفي نفسك وده كله في ميزانك والله ربنا شايف تعبك ومش ناسيه جربي تبدأى بحاجة واحدة بس الاسبوع ده دى أول خطوة فى صلاح حالنا وعلاج التعب اللى صار شعور معظمنا
