مطبخ الكنانة المكرونه النجرسكو
بقلم .مريم وجدى
نجدد اللقاء مع مطبخ الكنانة وطريقة عمل
المكرونه النجرسكو
المقادير
كيس مكرونة اسباجتي
ربع كيلو صدور دجاج
ربع كوب مشرووم
بصلية مفرومة
فلفل رومى أخضر وألوان
زيتون أخضر أو واسود
معلقة سمنة وزيت
البهارات
ملح
فلفل أسود
بهارات دجاج
كارى وكركم وبابريكا
توم وبصل بودر
مقادير البشاميل علي البارد
كيلو ونص حليب
4 معالق كبيرة دقيق
ملح
فلفل أسود
للوجه
جبنة موتزريلارا أو رومي أو شيدر
طريقة التحضير
– نسلق المكرونة لمدة عشر دقائق ونصفيها ونتركها جانبا.
– نجهز الحشو
طاسة على النار ونحط فيها معلقة زيت وسمنة لما يسخنوا ننزل بقطع الفراخ ونشوحها ونضيف بعد كده المشرووم ونشوحه مع الفراخ وننزل بعد كده بالبصلية ونشوحها لما تدبل شوية
ويتغير لونها مع التقليب ونضيف جميع البهارات ونقلبهم مع بعض وونضيف الفلفل واخر حاجة نحط الزيتون ونقلبهم مع بعض على نار هادئة ونطفئ عليهم النار
طريقة البشاميل
نقلب الدقيق مع الحليب ونرفعه علي النار مع التقليب المستمر بمضرب يدوى ونضيف ملح وفلفل اسود ومعلقة ك قشطة ونقلبهم علي نار متوسطة لما قوامه يتقل بس يكون خفيف شوية
لان بشاميل النجرسكو بيكون خفيف وممكن نضع معلقة سمنة لو حابة
– ثم نضيف الجبن إلى البشاميل ونقلب حتى تذوب
– ثم نرفع البشاميل من على النار ونطفئ عليه
– وبعدين نحضر صينية فرن مدهونة سمنة ونحط فيها معلقتين ك من البشاميل وبعد كده نحط نص كمية المكرونة الاسباجتي المسلوقة لمدة عشر دقائق ومعلقتين كبار كمان من البشاميل ونضيف بعد كده الحشوة وعليها شوية جبنة موتزريلارا اختياري وكمان معلقتين ك بشاميل علشان تطلع معاكي كده جوسي
وبعدين نحط باقي كمية المكرونة وعليها باقي البشاميل واخر حاجة نحط جبنة موتزريلارا
وندخل الصينية علي فرن يكون ساخن الاول علي درجة حرارة 200 في الرف الأوسط حتى يحمر وجهها
والجبنة تسيح وتاخد لون ذهبي
