مطبخ الكنانة دجاج كاجيين بزبدة الثوم مع مكرونة شيدر وبارميزان 

بقلم . مريم وجدى

نجدد اللقاء مع مطبخ الكنانة وطريقة عمل

دجاج كاجيين بزبدة الثوم مع مكرونة شيدر وبارميزان 

 

 المكونات:

 

1) الدجاج:

 • 500 جم قطع دجاج فليه

 • 1 معلقة كبيرة بهار كاجيين

 • 1 معلقة صغيرة بابريكا

 • ملح + فلفل أسود

 • 1 معلقة صغيرة ثوم بودرة

 • 1 معلقة صغيرة بصل بودرة

 • 2 معلقة زيت

 • 2 معلقة كبيرة زبدة

 • 4 فصوص ثوم مفروم

 

2) المكرونة بالجبنة:

 • 300 جم مكرونة بنا أو فرفالي

 • 2 معلقة كبيرة زبدة

 • 1 معلقة كبيرة دقيق

 • 1 كوب لبن

 • نصف كوب كريمة

 • نصف كوب شيدر مبشور

 • نصف كوب بارميزان مبشور

 • رشة ملح وفلفل

 • رشة ثوم بودرة

 • رشة فلفل أحمر بودرة (اختياري)

 

 طريقة التحضير:

أولاً: الدجاج الكاجيين

 1. نتبل الدجاج بكل البهارات ونسيبه 20 دقيقة.

 2. نسخن طاسة على نار عالية ونضيف الزيت.

 3. ننزل قطع الدجاج ونشوّح لحد ما تاخد لون دهبي من الجانبين.

 4. نقلل النار ونضيف الزبدة + الثوم المفروم ونسيبهم دقيقتين لحد ما ريحة الزبدة تطلع وتغطي الدجاج.

 5. نرفع من على النار ونغطيه يرتاح 5 دقايق.

 

ثانياً: المكرونة بالجبنة

 1. نسلق المكرونة ونصفيها.

 2. في حلة صغيرة نسيح الزبدة ونضيف الدقيق ونشوح دقيقة.

 3. ننزل باللبن والكريمة ونقلب لحد ما يكثّف.

 4. نضيف الشيدر + البارميزان ونقلب لحد ما تسيح وتبقى صوص ناعم.

 5. نتبل بملح، فلفل، وثوم بودرة ونضيف المكرونة للصوص.

 

 التقديم:

نحط المكرونة أول الطبق، وفوقها الدجاج الكاجيين بزبدة الثوم… ورشة بقدونس وبارميزان من فوق 

 نصائح 

 • لو عايز طعم دخاني أكتر، زوّد نص معلقة بابريكا مدخنة.

 • متزودش مدة تسوية الدجاج عشان ماينشفش… 6–7 دقايق لكل ناحية كفاية.

 • استخدم بارميزان فريش يعطي سحب وطعم أعلى بكتير.