مطبخ الكنانة كفتة الفراخ

بقلم .مريم وجدى

نجدد اللقاء مع مطبخ الكنانه وطريقة عمل

 كفتة الفراخ

 المكونات:

½ كيلو صدور فراخ مفرومة ناعم

بصلة متوسطة مبشورة ومعصورة كويس

2 فص ثوم مفروم

2 ملعقة كبيرة بقسماط ناعم

بيضة واحدة

2 ملعقة كبيرة بقدونس أو كزبرة خضرا مفرومة

ملعقة صغيرة ملح

½ ملعقة صغيرة فلفل أسود

½ ملعقة صغيرة بابريكا

½ ملعقة صغيرة بهارات فراخ

رشة جوزة الطيب (اختياري)

ملعقة صغيرة زيت

 طريقة التحضير:

اخلطي الفراخ مع البصل المعصور والثوم كويس.

أضيفي البيضة، البقسماط، الخضرة، والتوابل.

اعجني الخليط كويس جدًا من 3 لـ 4 دقائق لحد ما يبقى متماسك.

غطيه وسيبيه في التلاجة 15 دقيقة (خطوة مهمة للتماسك).

شكّلي الكفتة أصابع أو أقراص حسب رغبتك.

 طرق التسوية:

 في الطاسة:

سخني طاسة على نار متوسطة مع نقطة زيت، شوّحي الكفتة وقلّبيها لحد ما تتحمر وتستوي.

 في الفرن:

رصي الكفتة في صينية مدهونة، دخليها فرن 180° لمدة 20–25 دقيقة مع التقليب.

 في القلاية الهوائية:

على 180° لمدة 12–15 دقيقة مع التقليب.

 سر الطعم الحلو:

اعصري البصل كويس جدًا

متكثريش توابل

العجن الكويس هو سر النعومة