المقالات والسياسه والادب
نحتاج من يفهمنا بأمان
كتبت/شمس فتحى
نحتاج من يفهمنا بأمان
كلنا دورنا على الحب الصاخب
اللي يغرقنا رسايل وهدايا وكلام
اللي يقول “بموت فيكي” كل 5 دقايق
بس بعد شوية اكتشفنا حاجة
لا نحتاج شخصا يحبنا إلى حد الجنون نحتاج شخصا يفهمنا إلى حد الأمان
الحب بجنون متعب
الجنون بيولع بسرعة وبيطفي بسرعة
بيخليك طول الوقت خايفة
هو لسه بيحبني؟ هيغير رأيه؟
الحب اللي كله نار بيحرق صاحبه
الأمان هو الحب الحقيقي
الشخص اللي يفهمك من عينك
اللي لما تسكتي يعرف إنك تعبانة مش متجاهلاه
اللي لما تغلطي يقولك “كلنا بنغلط” مش “أنا قولتلك”
ده اللي بيخليكي تنامي وإنت مطمنة إن في حد في ضهرك
الفرق بينهم
اللي بيحبك بجنون هيغير عليكي من الهوا
اللي فاهمك بأمان هيثق فيكي ويطمنك
اللي بيحبك بجنون هيزعق لو اتأخرتي
اللي فاهمك بأمان هيسأل “حصل حاجة؟ أنا قلقان”
طب نلاقيه فين؟
بنلاقيه لما نبطل ندور على “البرنس” وندور على “السند”
لما نختار اللي بيحترم سكوتنا قبل كلامنا
اللي شايف عيوبنا ومكمل
اللي وجوده لوحده بيطفي القلق اللي جوانا
