نحنُ لا نُهزم..بقلم مستشار محمود السنكري

نحنُ لا نُهزم

 

إحنا مش الناس اللي تميل

ولا يهزنا وشٍّ قليل

 

الريح تعلى… تعلى براحتها

والجبل ثابت في مطرحها

 

اللي باع يوم… باع نفسه

واللي خان… كشف أصله ونقصه

 

وإحنا ما نبكيش على الراحلين

دول صفحة واتقفلت من سنين

 

ناس فاكرة السكوت انكسار

وما تعرفش إن الهيبة وقار

 

وإن الأسود وقت ما تسكت

يبقى الردّ أكبر من ألف نار

 

إحنا الأصول وقت الغياب

وإحنا الثبات وقت الصعاب

 

لا نطعن صاحب ولا نميل

ولا نمدّ إيد لوجه بخيل

 

اللي تغيّره حفنة مصالح

عمره ما كان يوم أصيل 

 

واللي يبيع عشرة الكريم

يعيش عمره منبوذ ورخيص

 

لا نجري ورا الناقصين

ولا نعاتب قلب لعين

 

الباب اللي يخرج منه الخاين

يتقفل… وما يرجع تاني

 

إحنا المقام اللي ما يهتز

وإحنا الحضور اللي يعز

 

لا نكسر خاطرنا على حد

ولا نعيش العمر في ردّ

 

والوقت وحده كفيل يبيّن

مين كان أصيل ومين متلوّن

 

أما إحنا… ثابتين كما النخيل

لا تهزّنا ريح… وأبدا لا نميل…

بقلمي…

مستشار محمود السنكري