هذا حصاد ما فعلتم 

هذا حصاد ما فعلتم 

كتب: محمود جاب الله 

‏اياك تفكر اننا فرحنا بضياع كاس البطولة من المغرب عشان السنغال فازت به او فرحة للمنتخب السنغالي .

 فرحتنا كان رد بسيط على الإساءة اللى تعرضنا له من جمهور المغرب اثناء عزف السلام الوطنى فى مباراة نيجيريا واستفزاز الاعلام المغربى للبعثة المصرية هناك والحشد الجماهيري ضد تشجيع مصر أمام أى منافس والهجوم على جمهور مدينة اغادير اللى ملأ الاستاد يشجع مصر فى مباريات المجموعة ومطالبته بتشجيع المنافس لها وكانت تتمنى لفريقنا الهزيمة.

فرحتنا كانت رد على الاتهامات لمصر انها حصلت على 7 بطولات نتيجة محاباة عيسى حياتو وكأن حياتو كان عايش فى الخمسينات لما مصر فازت ببطولتين أو حياتو جاملنا على حساب بلده الكاميرون عشان نفوز بالبطولات.

فرحنا لأننا مش ناسين الفساد وتوجيه البطولات فى الاتحاد الافريقى ضد اندية مصر خاصة الأهلى من يوم ما فوزى لقجع سيطر على الاتحاد ومعاه موتسيبى شريك انفانتينو رئيس الفيفا 

احنا مش فرحانين للسنغال لأن لسه لنا عندها حساب تقيل من وقت مباراة كأس العالم واللى حصل فيها والتطاول على محمد صلاح والغل الاصفر اللى عند مانى ناحيته 

احنا مش وحدنا اللى فرحنا بضياع البطولة من المغرب بالعكس فوجئنا أن كل شعوب المنطقة فى شمال أفريقيا والخليج

الفرحة كانت رد على تصريحات الركراكى ايام كأس العالم لما قال احنا مش عرب ولا عاوزين العرب تشجعنا احنا أفارقة مع أن تشجيع شعوب المنطقة مكنش بلون عربى بقدر ما كان قرب ودعم لمنتخب قريب من قلوبنا لانه فريق عربى افريقى .

مع كل الاحترام والتقدير للمحترمين من شعب المغرب لكن الكلام موجه للأغلبية اللى أساءت لنفسها وبلدها قبل ما تسئ لبقية شعوب المنطقة وافريقيا وهذا حصاد ما فعلتم‎