هونيها تهون
هونيها تهون
كتبت/شمس فتحى
هونيها تهون عشان محدش هيقومك غيرك
فيه حقيقة قاسية بس صادقة لازم نواجه نفسنا بيها
محدش هيحس بوجعك قدك
ولا حد هيزعل على زعلك زيك
ولا حد هيشيل تعبك أو هيقومك من وقعتك مكانك
مش بقول الكلام ده عشان أقسى عليكي
بقوله عشان أفوقك وعشانك انتى
ليه بنقع؟
الدنيا مش بتستنى حد
والناس كلها مشغولة في معاركها
ولو سبنا الحزن يطول هياكلنا حتة حتة
كلنا بنمر بأيام نحس فيها إن الدنيا سودة
بنعيط بنضعف بنقول “مش قادرة”.
وده طبيعي وإنساني جداً
بس بعد العياط فيه قيام
هنا بقى بتيجي كلمة السر
هونيها تهون
هونيها على نفسك
طبطبي على قلبك
قولي لنفسك
“هعدي… زي ما عديت قبل كده”.
مش مطلوب منك تبقي سوبر هيرو
مطلوب منك بس تقومي
خطوة وبعدها خطوة
قوتك فين؟
قوتك إنك تفهمي إنك سند نفسك الأول
إن محدش هيجي ينقذك
بس ربنا ومعاكي ومعاكي إرادتك
عيطي وخدي وقتك
بس ادي لنفسك معاد للقيام
قولي “من بكرة هبدأ”
رسالة أخيرة ليكي
الوجع مش دايم
واللي كسرك هيقويكي
والدموع اللي نزلت هتروي حاجة جديدة جواكي
فـ لو وقعتي قومى
ولو تهتى ارجعي
ولو الدنيا ضلمت نوري لنفسك
هونيهاعشان ربنا يهونها
وقومى عشان إنتي تستاهلي حياة أحلى
