٣٦٥يوم حب   بقلم تغريد نافع 

٣٦٥يوم حب  

بقلم تغريد نافع 

 بحب مقولة” لا تقول لى أحبك فإنى سمعتها عدد نجوم السماء ولكن دعنى أراها فى أفعالك” .

هل المهم إننا نحتفل بعيد الحب يوم عيد الحب وننسى نقدمه فى أفعالنا للى بنحبهم؟!

أهم من الإحتفال بعيد الحب 

 إن يكون عندك قناعة أنك متقدرش تعيش فى حياتك من غير حب. الحياة ضغوطها ومشاكلها أصبحت قاسية أوى على الكل. الشئ الوحيد اللى ممكن يخف من حدتها ومن صعوبتها الحب.

شعورك ايه أما زوجتك تدخل عليك بابتسامة جميلة وهى عامله لك الكيكه اللى بتحبها. أو أما تحس بتعبها فى يوم وتطلب لها أكل جاهز عشان تخف عنها الضغوط وتحاول تكون سبب فى ضحكتها بكلمة حنينة أو غزل لطيف لجمالها.

أو لما زميلك فى الشغل يلاقيك تعبان فيقولك قوم روح البيت أنا هخلص شغلك النهارده أنا حاسس بك. و أما ابنك يحوش من مصروفه عشان يشترى لك شوكولاته بتحبها ويقولك بابا عامل لك مفاجأة كل دى صور من صور الحب.

بجد لو عدى يوم من غير ما تقدم حب للى بيحبوك والعكس صحيح اعتبر نفسك مش عايش أنت كده فى عداد الموتى.

احنا بنقدر نعيش ونواجه الدنيا أما نتنفس حب. لو

عاوزين الدنيا تبقي حلوة ونسهلها على نفسنا لازم نخلى كل أفعالنا مودة ورحمة وإنسانية وعطف ومشاركة و ود وحب 365يوم .