احداث زي البازل puzzle بقلم تغريد نافع 

 احداث زي البازل puzzle

 بقلم تغريد نافع 

لو انت عندك صوره على هيئة بازل” puzzle “مش هتعرف ايه هي الصورة دي إلا أما تصبر وتحاول تجمعها مرة ورا مرة بصبر وتحط قطعه غلط مش في مكانها وترجع تغيرها لحد ما توصل للصورة الصح .وقتها بس بتفهم أن مفيش قطعة كانت تنفع تحل محل غيرها لان الصورة عمرها ما كانت هتبقى مزبوطة . سبحان الله ده نفس إللي بيحصل لنا في حياتنا أحداث غريبة كتيرة لو معندناش الصبر أننا نتحمل عشان تتجمع جنب بعضها زي صورة البازل عمر الرؤية ما هتبقي واضحة ولاهتقدر تفهم الحكمة الإلهية ولا تستوعبها.

عشان كده ربنا أمرنا بالصبر والسكينة على اللي منقدرش نغيره. والشجاعة أننا نواجه إللي نقدر نغيره ، وأن نسأل الله دوام الحكمة لمعرفة الفرق بين ما يمكن تغييره وما لا يمكن تغييره.

تأكد كل لحظة مرت عليك وأنت بتتألم بتصنع منك شخص قدوة أو ملهم أو مميز عن غيرك.

جايز لو محصلش لك ده كله والأحداث والابتلاءات الغريبة كنت تعيش وتموت وكأنك مجتش الدنيا ولا لك بصمة ولا أثر في نفوس اللي حواليك.