منشور البلوجر بسنت سليمان فتاة الاسكندرية قبل انهاء حياتها بأيام 

بقلم د. نجلاء كثير

بسنت سليمان فتاة الاسكندرية قبل انهاء حياتها بأيام 

 دونت منشور قائلة 

ده أنا شفت قله آصل و قسوه و تبالي و إفترا و آكل حقوق من قريب و غريب

ده أنا عشت أيام و سنين و قصص محدش يعرفها غير ربنا

أنا وقفت بعد موت أبويا!! و دي بعدها مفيش حاجه ممكن تكسر

دخلت مستشفيات و محاكم و قعدت ف قعدات عرفيه

بطولي وسط ٧٠ راجل !

اشتغلت و سافرت و روحت و جيت و عافرت

خدت الليسانس تحدي و أنا عندي ٣٠ سنه مع بيت و اولاد و شغل و مشاكل

حرمت نفسي سنين من حتي خروجه حلوه مع صحابي عشان كنت بدفع حضانات و ايجارات و دراسه ليا و كورسات و عمر ما حد عرف حتي اقرب الناس

اشتغلت ب ايد و ربيت بنتين ب ايد و حليت مشاكل ب ايد و صديت اعداء بايد و ذاكرت بايد و طبطبت علي نفسي بايد

و سرقت من الدنيا شويه بس ساعات وهميه افرح فيها

بيتي اتحرق كله قدام عيني بكل حاجه فيه قلت قدر الله ماشاء فعل و مشيت و رجع احسن من الاول بفضل الله

تعبت و دخلت مستشفيات و جالي وعكات صحيه محدش يعرف عنها حاجه أبدا و قمت

خسرت عزيز و غالي و دهب و فلوس و ناس و حب و و و

و وقعت ١٠٠ مره و قمت اقوي من كل مره وقعت فيها

فا مين ما تكون انت متخيل انك حتعرف تكسر واحده زيي!!! لسه بدري اوي عليها دي مش حتحصل علي ايد عباد حتحصل علي ايد رب العباد و بس حتي لو زعزعت الريح النخله يمين و شمال جدرها ثابت في الأرض مش حتتكسر و لا تميل

ان كان ثباتي للبعض مستفز فا حمايه الله ليا حتستفز اكتر

اصل الخوف فالقلب و العزه و الهيبه و القوه من رب العالمين بردو فالقلب لو تتغطي ب ملايين و مناصب و عزوه و اي كان و القي الله ف قلبك الرعب انسي، و لو كنت ما تملك فالدنيا إلا وقفتك علي رجليك و ربنا حط القوه و اليقين ف قلبك انسي بردو ان يجي مخلوق واحد يقدر عليك

متراهنش علي قوه حد قوي بالله

طلع من النار سليم 

و اعلم انني مثيره جدا لغل البعض عشان شنابتكم متقدرش علي ربع اللي أنا سديته

و عموما أنا حفضل فخوره جدا بنفسي مهما حصل و قصتي حفضل احكيها و انتو تبقو احكو عني لولادي 

منشيتات