مستشارك القانونى
الكنانة نافذتك القانونية بالبلدي كده إيه هو التفتيش الرضائي
بقلم .البراء مهدى
تعالى يا محترم افهمك ايه هو التفتيش الرضائي بالبلدى كدا
تفتيش المنازل لو تم رضائيا، فمش بيحتاج اذن نيابة،
بمعنى .. لو الضابط جالك وقالك لو سمحت احنا عايزين نفتش البيت، فقولتله اتفضل، وفتش البيت فلقي ممنوعات، فالتفتيش صحيح ، لانه صدر عن ارادة حرة واعيه.
تمام .. طيب افرض اللي سمح للضابط بالتفتيش كانت زوجتك، هل التفتيش يعتبر صحيح ؟
المعيار هنا هو معيار الاقامه المستمره، وبالتالي رضا زوجتك بالتفتيش يجعل التفتيش صحيحا ولو كان بدون اذن.
طيب لو الخليلة (فتاة ليل) كانت معاك في الشقة وهي اللي سمحت لهم بالتفتيش، فهل التفتيش يعتبر صحيح ام باطل؟
طبقا لمعيار الاقامة المستمرة، فالمفترض ان الخليلة لا تقيم معك بصفة مستمرة، لكن فيه رأي ينادي بأن اذن الخليلة بالتفتيش صحيحا ويرتب اثاره القانونية، فيجعل التفتيش سليما من الناحية القانونية.
