المقالات والسياسه والادب
ابن اختي فقيد الشباب ابراهيم محمد
عفاف مسلم
ابن اختي فقيد الشباب ابراهيم محمد
حصرة قلبي عليك يا ضنايا
حصرة قلبي عليك برحيل
مليان قسوه ومليان حرقه
تعيش جوايا طول السنين
لسه بتحبي ولسه بتبدأ
في خطوات مستقبل ليك
وبدال ما تكون معي وجنبي
جاي ملفوف في كفن معطور
جاي مزفوف في النعش وطاير
واخد حلمك وياك قبرك
ابني الراحل جوه شبابه كان مدفون
نطق الصمت وصرخ الصبر
بأه وانين
حزن سكني لطول العمر
وأه وخداني لباب احزاني
قولي اذاي يومي يعدي
من غير ما اناديك
ولا اسأل هتاكل ايه
او هدومك الوسخه إلهين
أه يا سنيني واه يا أيامي
اه يا فراق بعمر حزين
يعني خلاص النعي تقال
خبر الموت مش موال
جاي وشايل ليا بعمرك
هم وأحمال
ولا ع البال يقولوا
الجثه ع الوصول
جاي في النعش وجاي وراك
سيل احزان
فيضان أهك وجسر فراقك
صلب وعالي
ولا هيعدي بيه ايامي
ولا اوجاعي
رحت خلاص وغسلوك طب
من ايه
دانت نضيف وف عز شبابك طيب ليه
بس ربك رب أقدار
هصبر يا ابني وهوصيك
تستناني ليوم ليقاك
حملي تقيل ولازم اشيله
يارب لقلبي في بعده تعينه
