ويسلمها للشتي لتنزل دموعها وتروي كل شي حوليها،،،هالسما بتبكي وبينزل دمعها بين دمعات الغيم
من غير ماحدا يحس بتعبها ومجهودها ،،،،،
أنا مني قويه ،،،،
أنا بشبه الجبل يلي حامل ثقل فوقه ،،،واقف بوج العواصف والأعاصير ،،،،صامد قدام الهزات والزلازل والبراكين،،،،حتى البشر عم يحفروا ويبنوا ويدمروا بنص قلبه بس هو ثابت ماعم ينهز ،،،،حتى مايدمر كل شي مبني عليه عم يتحمل ويتحمل كتير ،،،
أنا مني قويه،،،،
أنا بشبه النهر الجاري،،،،يلي بيحمل مع الماي بقايا كل شي ،،،،على قد مابيحمل وبيعطي ،،،،على قد ماحدا عم يقدر يحافظ عليه وع نظافته،،،،،وهو يلي أخد كل الوسخ حتى يرميهن بالبحر ،،،،البحر يلي بساع أكتر وأكتر ،،،،
أنا مني قويه،،،،
أنا بشبه الطيور ،،،يلي ماعندها ثبات بمسكنها ،،،،بتضل تهاجر من مكان ل مكان لتحافظ على حياتها ،،،،بس الناس بتشوف زقزقتها غني وفرح ،،،،مابتعرف يمكن هالزقزقه تكون بكي وزعل ،،،،،
أنا عنجد مني قويه ،،،،،
أنا بس شخص قادر يتحكم بأعصابه ،،،،قادر يخبي أوجاعه عن غيره،،،،،قادر يسمع الناس ،،،،ويزرع على وجهن ضحكه حلوة ،،،،أنا شخص قادر يحول التشاؤم لأمل أي أمل كبير ولو ماكان فيه منه أمل ،،،،أنا شخص ربنا عاطيه قدرة التحمل والصبر ،،،،بس ببكي وبزعل وبنوجع وبدايق وأحيان بوصل لمرحله بختنق ،،،،بوصل لمرحله بحب أصرخ من جواتي ،،،،وقول إني تعبت ،،،وأن أنا مني قويه ،،،،وقت فكر بكل يلي ذكرتن ،،،بغير رأيي وبضحك عحالي مع حالي ،،،،،وبقول معقول بعد كل هول الأشياء حدا يصدقني إني ضعيفه معقول حدا رح يصدقني أني مش قويه؟
