فالعلاقة الزوجية شبه السفينة… والزوج هو القبطان بتاعها. لو عاقل، حنين، وبيحب بصدق… هيوصل بيته لبر الأمان،
حتى لو الدنيا حواليه كلها عواصف.
الست بطبيعتها حساسة… كلمة بتفرّحها، ونظرة ممكن تكسرها. ولو حسّت بالأمان والحب من جوزها،
بتفتح له قلبها… وتدفي البيت كله بحنيّتها واهتمامها.
لكن لما الجفاف واللامبالاة ياخدوا مكانهم…
بيبدأ جواها شعور بالاختناق والخذلان، وما اشد قسوة الخذلان
وبتتحول العلاقة من حضن دافي… لساحة توتر وخنقة مستمرة.
الزوج هو محور البيت… ممكن يخليه جنة فيها حب وسلام… أو يخليه جحيم من غير نار، كله بُعد وبرود وكلام ساكت.
المشاعر مش رفاهية… ولا التقدير حاجة “زيادة”… دي أساس العلاقة. لما الراجل يدي حب واهتمام… هياخد أضعافهم. لكن لو بَخِل، حتى بالاحتواء والكلام الحلو… هيعيش مع ست مُنهكة، مش قادرة حتى تعبر عن حبها.
الراجل الناجح مش اللي بيصرف… الراجل الناجح هو اللي بيحب، وبيفهم، وبيحتوي. اللي بيعرف إن مراته مش بس “زوجة”، دي مرآة لعطاؤه… لو غمرها بحنانه، هتغمره بحب مالوش آخر. ولو مبخلش ماديا عليها تبيع عمرها كلة علشانه
قبل ما تمد إيدك… مد قلبك. قبل ما تطلب، اسأل نفسك: “هل أنا سبب سعادتها؟ ولا سبب وجعها؟”
