المحكي اللبناني الأخت الأولى: ياأختي،،أنا بسمع أن الأخت جناح وسند ،،، بتحمل أسرارها وبتداري عن أغلاطا،،، ومابتترك أيد أختا للابد،،،، بتبقى بضهرها سندها لو وقف بوجن بلد،،، أنتي ليه بعيده عني ،،قد ماجربت فيكي أهتم أنتي بتبرمي وجك ومابتهتمي،،، الأخت الثانية: صح أنتي أختي متل مابينقال بس أنا صفيتك مع باقي العالم بالغربال من وقت كنا صغار ونلعب بأرض الدار كان أمي وبيي كل اهتمامن فيكي بحجه أنك الصغيرة يدلعوكي كل الوقت منسيه أنا ولالحظه نسيوكي ألأخت الأولى: عم تحمليني ذنب مالي علاقه فيه شو ذنبي انا ؟؟؟ من نحنا وصغار وجرب كون قريبه منك ،،،وكنت حب تحضنيني لأني أختك كنت أحكي لرفقاتي عنك،،،، قديه أنا بحبك ،،، شو ذنبي اذا أمي وبيي كانوا يميزوا بيني وبينك،،،، الأخت الثانيه: بعرف مش ذنبك أنتي بس غصة وقهرة بقلبي أحلم أنا من صغري بحضن بيي وأمي حتى وصلت أتمنى أمرض حتى أتهنى بحنان أمي عليي وبيي كان يكسرني وقت يجب لك ألعاب أستحلي يجب لي لعبة دايما عنده انتي الصغيري يلي من قلبه قريبي وانا برات السيرة ودايما الحجه المعروفه أنتي ياأختي لكبيري خلاني بطل حبك وزرع الكره بقلبي حتى صرت غار منك وأتمنى أبعد عنك،،، الأخت الأولى: روقي ياعمري واهدي لاتحطي شي ببالك ،،شيلي الأفكار البشعه وخلي الحلوة قدامك ،،،امي وبيي طبعا غلطوا ، بس هني بحبوكي ،،،لأني أصغر منك. طبيعي لكبيري يشوفوكي،،،،ماعم لاقي لهن تبرير ،،،،لأن غلطهن كبير ،،، أكبر مشكله بين لولاد نفرق بين كبير وصغير،،،هالشي بخلي عقدة وحاله تعب ونفسيه،،،،وبربي بين الأخوة الكره الحقد والأنانية ،،، بس أنا بحبك كتير وياريت تقربي مني وخىلينا رفقات نكون أنسي أنك اختي حتى نعلم أهلنا درس ونعلم كل الدنيا أكبر جريمه بتصير التفرقه بين الأخوة ،،
ClQKS1NuYXBjaGF0LzEzLjIxLjAuNDMgKFRFQ05PIEJENGk7IEFuZHJvaWQgMTEjMjMxMTEwVjMwNCMzMDsgZ3ppcCkgVi9NVVNIUk9PTRCcjvnM1wE=
