مش زعلانة والله ولا متضايقة ولا نفسي في حاجة معينة تحصل.. بس كل الحكاية انك “مش قادرة “
مش قادرة أنزل.. مش قادر أضحك.. مش قادر أشوف حد.. مش قادرة أنافق.. مش قادرة أقنع حد اني مش مضايقة.. مش قادرة أشرح إحساسي.. مش قادرة أسمع حد.. مش قادرة أدافع عن نفسي لما حد يزعل مني عشان مش عارفة اتكلم ولا قادرة أرغي …
“مش قادرة” ….
محدش بيقدر لما بيسمعها ولا حد بيستوعب اننا فعلا بنبقى مش عارفين نعمل اي حاجة..
كل اللي بيبقوا شايفينه هو اننا بندلع…!
الرحمة على الناس اللي مش قادرة تعمل اي حاجة ولا عايزة تعمل أي حاجة غير انها تقعد ساكتة وبس..
