مكرونة بالصوص الوردي.. طعم جديد مش هتنسوه

صفاء مصطفى الكنانة نيوز 

لو زهقتي من المكرونة بالصلصة العادية أو الوايت صوص، جربي معانا وصفة المكرونة بالصوص الوردي.. وصفة إيطالية بسيطة وسريعة لكن هتخلي سفرتك مميزة.

المكونات:

نصف كيلو مكرونة (أي نوع بتحبيه).

2 ملعقة كبيرة زيت زيتون.

1 بصلة صغيرة مفرومة.

2 فص ثوم مفروم.

كوب عصير طماطم طازج.

نصف كوب كريمة لبّاني (أو كريمة طهي).

نصف كوب جبنة بارميزان أو رومي مبشورة.

ملح + فلفل أسود + رشة زعتر ناشف.

طريقة التحضير:

1. نسلق المكرونة في ماء مغلي وملح وزيت لحد ما تستوي ونصفيها.

2. في طاسة على النار، نحط زيت الزيتون ونشوح البصل والثوم.

3. نضيف عصير الطماطم ونسيبها تتسبك 7 دقائق.

4. ننزل بالكريمة اللباني ونقلب لحد ما يتكون عندنا صوص وردي كريمي.

5. نضيف الجبنة المبشورة مع رشة الزعتر والملح والفلفل.

6. نخلط المكرونة مع الصوص ونقلبها كويس لحد ما تتغلف تمامًا.

7. نزينها بريحان أو بقدونس مفروم ونقدمها سخنة.

 نصيحة:

ممكن تضيفي قطع فراخ مشوحة أو جمبري عشان تبقى وجبة كاملة ومشبعة أكتر.