أختارى نفسك أولاً بقلم تغريد نافع
أختارى نفسك أولاً بقلم تغريد نافع
كتير من الزوجات اللي بيكون حظهم السئ انهم تزوجوا من أزواج نرجسيين بين نوعين من الصراع.
الصراع الأول أنها تكمل حياة معاه وتتأقلم على أوضاع حياتها الغريبة معاه.
ولا تختار الصراع التاني أنها تطلب الطلاق وتخرج من دايرته السامة وتنجو بنفسها
في الحقيقة الخياران مؤلمان جداً .
لكن فى فرق جوهرى بين الألمين دول أن كل ألم منهم له نتيجة مختلفة.
الألم الأول
لو استمرت مع الوقت هتحس أنها ست مهانة بلا قيمة. مجرد خادمة له ليس لها أي رأي أو حقوق، هتصبح أقل من أي كرسى في الشقة من الآخر هتخسر كرامتها وكمان ثقتها فى نفسها. هتلاقي نفسها دااايما تايهه وغير قادرة على اتخاذ قرارات هامة فى حياتها لأنه قدر يحكم سيطرته عليها.
الألم التانى
هو قرار الطلاق رغم وجعه إلا أنه فيه مكاسب نفسية وشخصية متعددة لها انها هتحافظ على كرامتها من أي نوع من الإهانة اللي ممكن تدوقها معاه، بتحافظ على سلامها النفسى وبتخرج من العلاقة خروج آمن بأقل الخسائر النفسية. بتستعيد ثقتها في نفسها سريعاً خصوصاً لو كانت تعرضت معه في العلاقة لأى نوع من ألاعيب النفسية العقلية وده من أهم المكاسب أنها تستعيد نفسها وقوتها. بتقدر تتخذ قرارات صائبة فى حياتها حتي لو كان فى البداية فى نسبة ضبابية فى التفكير لكن سرعان ما يزول ده بالبعد عن المؤثر السام وهو الزوج .
خياران كلاهما مُر لكن فى سبيل السلام النفسى وإستعادة ذاتك إن تعددت الخيارات اختارى نفسك أولاً.
