مطبخ الكنانة الدحدح

بقلم .مريم وجدى

نجدد اللقاء مع مطبخ الكنانة وطريقة عمل الدحدح 

التحضير  

5 كاسات سميد

1 كاسة زيت نباتي

2 ملعقة سمنة بلدي

1 ملعقة صغيرة خميرة

1 ملعقة صغيرة كركم

مقادير الحشوة :

2 كاسة سميد

1 كاسة جوز مجروش او ناعم حسب الرغبة 

2 كاسة سكر

ربع معلقة صغيرة جوزة الطيب

3 معلقة كبيرة قرفة ناعمة

ربع كاسة زيت نباتي

ملعقة كبيرة جوز الهند

تنويه ممكن تغيير الحشوة بالتمر المعجون مع جوز هند حسب رغبتكم 

بنخلط المكونات مع بعض وممكن نضيف قليل من الماء في حال احتاجت العجينة وقوام العجينة ببقى طري و ولو طلع طري زيادة مافي مشكلة. بنزود وقت راحته ..

 وبنتركها ترتاح ساعة

بنخلط مكونات الحشوة مع بعض و بنضيف ماء او زيت للحشوة لحتى تتماسك العجينة او بدون زيت او ماء لكن لازم طبقة الحشوة تكون رقيقة غير سميكة لحتى ما تتفتت معكم الحشوة

بنجبب صينية بندهنها بزيت وبنفرد نصف العجينة وبنوزع عليها حشوة الجوز والسميد وفوقها النصف التاني من العجينة

و بندخلها على الفرن لمدة ثلث ساعة ل25 دقيقة ودرجة حرارة 180 لحتى يستوي

بنرش على الوجه قطر 

بعد ما يبرد الدحدح بنقطعه و بنقدمه جاهز للاكل .

وممكن نحشي العجينة بحشوة التمر مع القرفة وجوز الهند ومعلقة زيت درة وكلو على حسب الرغبه