الجمل لو شاف حردبته

المحكي اللبناني

‏بتعرف شو….

‏خلي يلي بالقلب بالقلب ولا يطلع لبرا ويفضح،،،،،

‏خلي الحكايا نايمه مع الف ليله وليله أفضل مانحكيها ونجرح،،،،

‏مني مضطرة ولاأنت مضطر نتحمل كلام الناس يلي متل كاس السكران بيفضح،،،،،

‏ماحدا خصه فينا ،،،شو عملنا وشو حكينا وكيف قضينا الوقت وكيف مرقت ليالينا،،،،

‏منا مجبورين نقدم تقارير ،،،،ونعيد ونزيد ونعطي تبرير،،،،

‏لناس كل همها بس بحياتنا تسرح وتمرح،،،،،

‏مرة سمعت ستي قالت الجمل لو شاف حردبته كان وقع وفك رقبته،،،،،وهلاء وقت وعيت فهمت المعنى الحقيقي،،،،لو كل واحد براقب حياته ،،،وبشوف الناقص والزايد بيومياته ،،،،،وبحاسب ذاته على سلبياته وسيئاته ……..

‏وبيستخدم منخاره بس للشم ،،،مايدخله بحياة غيره ليشم الأخبار بحجه هكلان الهم،،،،ومقهور وعقله فينا محتار،،،،،،كانت الدني بألف خير ،،،،وماكنا سمعنا خبرية قالت لي العصفورة ،،،،،وكان كل واحد مع مصايبه المستورة،،،،قاعد عم يندب حظه ويحكي حكايه واسطورة،،،،،

‏ماحدا خصه فينا،،،،،ضحكنا عم نضحك النا ،،،،واذا بكينا مابدنا حدا يعزينا،،،، وإذا غلطنا مابنحتاج مين يحاسبنا،،،،ولابدنا مين يعلمنا ،،،،،نحنا اهلنا تعبوا بتربايتنا،،،،منا بحاجه حدا يربينا،،،،،

‏بيكفي بقى تركضوا من زاويه لزاويه بس لتشوهوا اسامينا،،،،،نحنا قادرين نكون متلكن ،،،،وبالعربي لمشبرح فينا نكون أضرب منكن ،،،،،بس بتعرفوا وين المشكله،،،،،أن أنتوا عاجزين تكونوا متلنا ،،،،لهيك بتركضوا تشوهوا سمعتنا،،،،،تخربوا بنظر العالم صورتنا ،،،،،بس طبعاً وأكيد مابهمنا،،،،،لان بيكفي رهبتنا وقت بتنذكر أسامينا