المحكي اللبناني بتتذكر من سنه ونص مرقوا ،،،، وقفتك وقلت لك اختار ،،،،ووقتها طلبت أعطيك فرصه ،،،وكان بإيدك القرار ،،،،،اخترتني أي وعطيتني وعد ،،،،تنسى الماضي وكل موقف قديم بحياتك صار ،،،، بدي أطلب منك طلب ،،،،على قد ماحبي بقلبك نصلب،،،، بعّد عني ،،،،بعّد لمطرح مااقدر شوف خيالك ،،،،ولم بشنطتك أيامك معي وذكرياتك ،،،،لأنك مش قد الوعد ،،،،ولاتجرب تحلف بعد،،،،،ماضيك مرافقك مغلغل فيك،،،،،تارك عقدة جواتك ماعم بقدر منها داوويك،،،،تعبت وانا فيق على صوتك عم تناديني بإسمها،،،،تعبت وأنت عم تلمسني بس إحساسك عم يلسمها ،،،، تعبت شوف بعيونك صورتها ،،،،،،حتى وقت تجرب تهمس لي ،،،،،الهمسات عم يكونوا ألها،،،،، قلت من قبل شو ذنبي أنا ،،،،،ليش تعلقني فيك وقلبك معلق فيها ،،،،،ليش اخترتني إلي وكان فيك تنقيها ،،،،،، عم تحرقني كل يوم بإيدك ،،،،،حتى هديتي بليله عيدك ،،،،،لقيتا مرميه ومكسورة ،،،،،وموجود تحت الصورة هديه هيي جابتها ،،،،،ليش عم تخلق مني إنسانه تانيه بدنيتها،،،،،شو ذنبي أنا ،،،،حتى تخليها تشوفني إني. الوحيده عدوتها،،،،،،وأنت عدوها الوحيد ،،،،،يلي خرب دنيتي وخرب دنيتها ،،،،،، أنا أو هيي؟مافيك تتخايلها فيي،،،،،ولابقدر أتحمل كون نسخه منها بس مش أصليه ،،،، سلمني حالي وفل ،،،،مابدي بحياتي تضل ،،،،،مابقبل كون تقيلد ،،،،،، مني بطلة هالمسرحيه،،،،ذنبي برقبتك أنا
