المقالات والسياسه والادب
أنا الشهيد اللي عايش بقلم حليم محمود أبو العيلة
أنا الشهيد اللي عايش
ف قلب الدنيا الجبانة
ب احساس مجنون وطايش
وأخرتها أترمي ف جبانة
لا حد ف يوم يزورني
والسكن شعبي وغرفه مليانة
شوارع ساكتة كلها موت
جواها قلوب فاضية وغلبانة
ضيعت عمرها ف الفاضي
كلامها كان رغي ومط ف لبانة
دا مين وعشان أيه ورايح فين
يا نفوس مترددة وقلقانة
وربك رب قلوب ورحيم
طهر نفوس كانت ندمانة
كلماتي:
الشاعر: حليم محمود أبو العيلة
