الأسباب الحقيقية وراء إغلاق بلبن تابع ابوسليم عبود

مافيش حاجه بتحصل صدفه أبدا

الحمله إللي معموله بسبب إغلاق أفرع بلبن ووهمي

و بسبوسه والدمشقي وبهيج والأسماء إللي أصبحت برندات في غفله من الزمن

أنا بس إللي مجنني الحمقه المفتعله بحجه إن الافرع دي فيها ناس فاتحه بيوت بآلاف ..طيب ياسيدي شكراً علي تعاطف حضرتك يا أبو قلب خسايه ..بس حابب أفكرك إن التعاطف ده ولا شفنا منه حتي فتفوته لما كنت بتنادي بمقاطعه شبسي وكوكاكولا وافرع ماكدونالد وليبتون وغيرهم كتير مع أن دي كيانات ومصانع حقيقية وفيها آلاف العمال إللي تسرحت ولا شوفتلك دمعه واحدة …. هنا بقي يامحترم أنا حابب اوضحلك حاجه صغننه خالص يمكن تفيدك وانت بتقطع هدوم وبتتشحتف ومالي الدنيا صراخ علي ابولبن وباقي

اللسته

لازم تعرف فلوس الأخوان وهى بالمليارات راحت فين من بعد ٢٠١٣ شوف الناس اللى اتحولت وبقت أصحاب شركات ومصالح وبيزنس كبير ومحلات وظهرت وكبرت فجأة بعد سنة ٢٠١٣ونجاح ثورة يونيو

كلنا كنا شايفين شبكات الأعمال الاخوانية في كل مدينة وحى وقرية واللى كانت مقفولة عليهم فقط ومفيش أى حد من خارج الجماعة يقدر يدخلها وكانت وسيلة من وسائل جذب الناس اللى معاها فلوس ومحتاجة تستثمرها ومش عارفة أو تحت دعاية ان الفلوس فى البنوك حرام فتعالى انضم للجماعة الربانية واستثمر فلوسك معانا بالحلال

الشبكات دى كانت شغاله فى كل حاجة عقارات واراضى ومقاولات وتجارة سلع غذائيه وحبوب وملابس وعملة ومدارس ومحطات وقود وتوكيلات تجاريه وكل شئ

تتخيله وكان فى كل منطقة مسئول مالى يدير اموال وأعمال الجماعة فى الحى أو القرية وصولا لمسئول فى كل مركز ومنه لكل محافظة وهكذا وطبعاً في ناس كتير ضربت علي الفلوس دي وقالتلهم امكم في العشه ولا طارت

بعد ٣٠يونيو قامت الجماعة بتوزيع اموالها على أشخاص عاديين وتجار صغار كانوا قريبين منهم ومن هنا ظهر فجأة ناس دخلت السوق بثقل مالى ضخم غير معروف عنها وفى المجالات المضمونة خاصة العقارات والمقاولات وتجارة الجملة والتجزئة وزيوت المحركات والناس دى هم اللى قاموا بدور شبكات اعمال الجماعة وحلوا محلهم فى ادارة هذه الاموال بعد ما الجماعة قامت بالخطوة دى لتهريب اموالها خشية المصادرة كانت شنط فلوس يا مولانا آه وربنا زي مابؤلك كده

طبعا دخل على العملية دى ناس من الوافدين السوريين بأعداد كبيرة واللى كانوا ملاذ آمن لأموال الجماعة اكتر من المصريين ومن هنا بدأنا نشوف كيانات وأشخاص سوريين بيديروا اعمال وشركات بملايين وبقوا ملاك عقارات ومصانع ومحلات وتوكيلات تجاريه بعد ما كانوا قبلها مجرد لاجئين حالهم يرثى له

محدش يستغرب من اللى حصل اليومين اللى فاتوا مع سلسلة مطاعم ب لبن ووهمى وبهيج وبسبوسة واللى زيهم لأن حاسة المصريين عارفة من البداية أن فى علامات استفهام حول البراندات دى وازاى طلعت فجأة وبمعدل صرف مهول وعدد فروع ضخم فى وقت بسيط مفيش أى براند مصرى أصيل قدر يوصله رغم أن له عشرات السنين فى المجال مش فى خلال سنتين ثلاثة زى ما حصل مع براند بلبن كده وبعدين مش عاوز أفكر حضرتك كل شويه إن عندنا اجهزه رقابيه وأمنية داخل البلد دي بتعرف القرد بيشيل عياله فين ماتستهنش بيهم