المظلوم… ورب لا ينسى

المظلوم… ورب لا ينسى

بقلم د/إلهام حسنى 

يا ابن آدم…

لا تنشغل كثيرًا بحسابات الدنيا ولا ترهق قلبك بعد ما فات وما ضاع فكل شيء يُنسى… إلا ما عند الله.

قد تنسى من ظلمك أو تحاول تتناسى

لكن روحك لا تنسى ووجع الظلم لا يموت بسهولة.

 

نعم… في الدنيا كثير من الحسابات تتخربط

ناس تغلط… وتعدي

ناس تظلم… وتكسب

ناس تدوس على قلوب غيرها وتمشي وكأنها ما شافتش

بس صدقني فيه حساب واحد لا يخطئ…

حساب ربنا.

 

رب لا يغفل لا ينام لا يتهاون

رب كريم… بس عدله يسبق كرمه

اللي اتظلم ساعته تيجي

ولو بعد حين…

تمر الأيام تمر الشهور تمر السنين…

ووجعك مش بينتهي

لكنه بيرتفع…

بيطلع فوق يسجد بين يدي من لا يضيع عنده حق عبد.

 

عارف؟

الوجع اللي ساكن فيك

الصوت اللي جوه صدرك بيصرخ وانت ساكت

النظرة اللي مشيت بيها وانت مكسور

الدمعة اللي وقفت على طرف عينك…

ربنا شايف كل ده

وسيجزيك

 

بس مش بس يجزيك في الظالم… لا

ده هيطبطب على قلبك

هيجبر كسرتك

هيبعتلك فرح من حيث لا تحتسب

وهيرفعك في عين نفسك قبل أي عين

 

لا تظن إن اللي ظلمك كسب

ولا تحسب إنك ضيعت

انت بس اتألمت…

بس ده الألم اللي بيصنعك

وبيخليك تعرف إنك غالي جدًا عند ربك

 

فلا تستسلم ولا تضعف

مهما طال الظلم

فيه يوم…

هييجي فيه الحق

وهتوقف قدام اللي كسر قلبك

بس المرة دي… رافع راسك

وواقف بإيد ربنا في إيدك

افهموا دى

الذنب مش ذنبك لكن الألم ألمك وربنا لا ينسى ألم المظلوم. (بنت الحلم الكبير) (بقلمى) (فكرة قلبى ابو عيالى)