الوحدة مش دايما وحشة
في ناس كتير بتخاف من الوحدة
اول ما تلاقي نفسها لوحدها تحاول تمسك في اي حد
او تفتح اي حاجة تلهيها
كأن السكوت خطر
بس الحقيقة مش كده
في وقت من الاوقات
الوحدة بتكون هي الحاجة الوحيدة اللي بنحتاجها
مش عشان نبعد عن الناس
لكن عشان نقرب من نفسنا
احنا طول الوقت بنجري
ورا مسؤوليات
ورا ناس
ورا كلام كتير
لدرجة اننا بننسى نفسنا خالص
بنزعل ونعدي
نتوجع ونسكت
نتعب ونكمل
من غير ما نقف لحظة نسأل
انا مالي
انا حاسه بايه
الوحدة بتيجي تقولك
تعالي اقعدي مع نفسك شوية
مش هتأذيكي
بالعكس
هتفهمك
اولها بيكون صعب
لانك بتقابلي كل حاجة هربتي منها
بس واحدة واحدة
هتبتدي ترتاحي
هتلاقي نفسك بتفهمي نفسك اكتر
بتحبي حاجات ماكنتيش واخدة بالك منها
وبتبعدي عن حاجات كانت بتتعبك
هتكتشفي ان مش كل الناس لازم تفضل في حياتك
ومش كل حاجة تستاهل تعبك
الوحدة بتعلمك تبقي سند لنفسك
مش كل مرة تستني حد يطبطب عليكي
وتعلمك كمان
انك لما ترجعي للناس
ترجعي وانتي اخف
وراضية
عارفة انتي عايزة ايه
بس خلي بالك
الوحدة الحلوة دي
لازم تكون باختيارك
انما لو حسيتها وجع
ولو طولت وبقت تقيلة
يبقى ساعتها محتاجة تقربي من حد
وتتكلمي
لان في فرق كبير
بين واحدة قاعدة لوحدها عشان ترتاح
وواحدة لوحدها ومش لاقية حد
اعملي توازن
اقعدي مع نفسك
بس ما تقفليش على نفسك
اسمعي قلبك
بس ما تسكتيش وجعك
الوحدة مش نهاية
الوحدة وقت نرتب فيه روحنا
وبعدها نرجع للحياة
بشكل احسن
ومش عيب ابدا
انك تاخدي وقت لنف
سك
- يمكن ده اكتر وقت
