برجك وطالعك ليوم الاربعاء الموافق 2026/2/11 بالكنانة
بقلم د. نجلاء كثير
نجدد اللقاء مع برجك وطالعك ليوم الاربعاء الموافق 2026/2/11
ونجدد التذكرة بأنه كذب المنجمون ولو صدقوا
الحمل ♈
بدي قلك إنو وضعك صار مستقر أكتر وأحسن بكتير ضمن المنزل ، بس من تاثير الفترة الماضية من التوتر والحكي والتوتر مع محيط منزلك لسه عم يروح ويجي ببالك وهاد الشيء عم يخليك تفكر أحيانا بالانتقال من مكانك لحتى تحس باستقرار أكبر وتريح راسك ، وهاد كله رغم المخاوف المالية اللي عم تلاحقك ، وماليا بالك مشغول كتير بالمصاريف للأيام الجاية وعم تفكر بشكل جدي إنك تغير عملك بس عم تنطر الفرصة الأفضل اللي بتناسب طموحك ، وعلى كل حال بدي منك تضل منتبه وتبعد عن أي توتر بمكان الشغل، وفكرة السفر لسه ببالك وعم تناقش المقربين والاخوة بس التكاليف والموضوع المالي عم يخلوك تتردد بقرارك وتأجله شوي
عاطفيا
وضعك العاطفي صار أحسن وفي تحسن ملموس، بس رغم هيك عم يصير أحيانا حالة من النفور أو خلافات مفاجئة، وهاد الشيء عم يأثر على قراراتك وعم يكون سبب للتباعد بينكم وبالأخص لما تكون النقاشات ضمن المنزل
صحيا
دير بالك على حالك وانتبه كتير من أوجاع المعدة اللي عم تضايقك، وكمان انتبه من أوجاع الرأس ولا ترهق حالك
نصيحة البرج
الاستقرار بدو طولة بال وقرار السفر رح يتيسر بس تترتب أمورك المالية، وبالحب حاول تتخطى لحظات النفور لحتى ما يبعدكم الحكي الفاضي عن بعض
الثور ♉
بهي الفترة بالك مشغول كتير بترتيبات بدك تعملها جوا بيتك لأنك مالك مرتاح تماما، وعم تدور على حلول تريحك وتخليك تحس بالاستقرار، وموضوع المال والمصروفات أخد حيز كبير من تفكيرك، وفي حكي عم يدور على مال متأخر إلك عند الأقرباء من جهة الاب ، وهاد الشيء رح يرجعلك بمبلغ مالي منيح ، وكمان شاغلك موضوع أوراق رسمية ولقاء مهم عم تنتظره، أما قصة التنقل أو السفر فهي لسه ببالك بس الموضوع بدو شوية وقت لتترتب الأمور، وعمليا عم تدور على حلول للأفضل أو بدك تبدأ بشغل جديد، وبنصحك تحاول تتخلص من أي تأثيرات لشغل قديم لتقدر تنجح، وللبعض منكم في موضوع بيخص الأبناء بدو حل ومتابعة
عاطفيا
حاول قد ما فيك ما تخلي مواضيع قديمة وقصص صارت وخلصت تأثر عليك، كرمال ما يتضرر مستقبلك وعلاقتك مع الشريك، وحاول ترجع المي لمجاريا وترجع الوضع لطبيعته وتنهي أي حالة تباعد بينكم
صحيا
دير بالك على حالك وانتبه من أوجاع الأقدام، ولا ترهق حالك
نصيحة البرج
مالك اللي عند قرايبينك رح يرجعلك فخليك صبور، وبالشغل سكر صفحة الماضي لتبدأ بقوة، وبالحب القرب والنسيان هنن اللي بيرجعوا السعادة لقلبك
الجوزاء ♊
بدي منك تحاول قد ما فيك ما تخلي الظروف اللي عم تمر فيها تأثر على نفسيتك ومزاجك، وبالك مشغول كتير وعم تنتظر لقاء مهم صار الك زمان ناطره، وماليا بالك مشغول بالمصاريف وعم تفكر بمبلغ مالي بيتعلق بحركة انتقال أو موضوع بيخص المنزل، وفي قصة مالية بدك تفتحها وتناقشها مع احد الوالدين بس بدي منك تنتبه كتير من التوتر والعصبية لحتى تمشي الأمور برواق، وعمليا أنت بانتظار اتصال مهم ورح يكون فيه تطور إيجابي لمصلحتك، وكمان في حكي عم يدور بخصوص شغل أو تعاون مع أحد المقربين منك
عاطفيا
عم تحاول بكل جهدك ترتب وضعك مع الشريك، وفي وعود انقطعت إلك وأنت هلق بمرحلة انتظار لتشوفها عم تتحقق على أرض الواقع، وفي نقاط أساسية عم تناقشها مع الشريك لحتى توضعوا خطط واضحة للمستقبل وتعرفوا وين رايحين
صحيا
من الناحية الصحية بدك تداري حالك وتنتبه كتير من أوجاع الرأس اللي عم تروح وترجع، وكمان دير بالك على منطقة الرقبة
نصيحة البرج
طولة البال مع الوالد بموضوع المال هي اللي بتجيب نتيجة، والاتصال اللي ناطره رح يغير مودك للأحسن، وبالحب خليك صريح بالنقاش لترتاح وتريح شريكك
السرطان ♋
بالك مشغول كتير بمستقبل شغلك وعم تسيطر عليك مخاوف من فكرة ترك العمل، لهيك بدي منك تهدي حالك وما تخلي أي شي يأثر على علاقتك مع صاحب الشغل وبالأخص إنو في حالة توتر واضحة ولازم تنتبه منها كتير، وموضوع المال والمصروفات أخد حيز كبير من تفكيرك وأنت هلق بانتظار مبلغ مالي أو حوالة ناطرها من خارج البلد، وفي عندك سفر قصير أو زيارة رح تقوم فيها ، وكمان في اجتماع مهم وموضوع أوراق عم تتابعه ورح تكون النتيجة النهائية لصالحك بإذن الله
عاطفيا
يشغلك مستقبلك العاطفي كتير بهي الفترة، وبدي منك تنتبه من أي توتر أو عصبية مع الشريك لحتى ما توصلوا لمرحلة التباعد أو الجفاء، حاول تساير الأمور ليمرق هاد الوقت على خير
صحيا
من الناحية الصحية بدك تداري حالك وتنتبه من أوجاع منطقة الصدر، وكمان دير بالك على أقدامك ولا ترهق حالك زيادة
نصيحة البرج
علاقتك مع مديرك بدها دبلوماسية لحتى تحافظ على مكانك، والحوالة اللي ناطرها رح تفرجها عليك، وبالحب خليك صبور لتبعد الغيمة السودة عنك وعن الشريك
الأسد ♌
بالك مشغول بالمستقبل وفي عندك مخاوف من تأخر بعض الأمور وعم تدعي ربك تتيسر وتفتح بوجهك ، وموضوع المال والمصروفات هو اللي مخليك بحالة توتر وقلق دايم، وأنت ناطر ومنتظر توضيح بخصوص مبلغ مالي من طرف الأهل للمستقبل، وهاد الشيء مرتبط بفكرة إنك تبدأ عمل جديد لأنك عم تشعر إنك لسه ما لقيت الشغل المناسب اللي بيليق فيك، وكمان عم يروح تفكيرك لموضوع تغيير المكان والسفر بس عم تحس إنو هاد المشروع بدو مال ووقت ملائم لتقدر تمشي فيه
عاطفيا
ظروفك الصعبة والضغط اللي عم تمر فيه مخليينك تهمل الجانب العاطفي وما تعطي اهتمام للشريك، حاول تروق وتعطي نفسك مساحة للتفكير بالعاطفة وبالشريك لأنو في وعود قديمة والحبيب لسه ناطر منك كلمة أو خطوة
صحيا
من الناحية الصحية بدك تداري حالك وتنتبه كتير من أوجاع أسفل الظهر، وكمان دير بالك على أقدامك من التعب
نصيحة البرج
قلقك من بكرة ماله داعي لأنو الرزق جاي وتوضيح الأهل رح يريحك، وبالشغل الصبر بيفتحلك الباب اللي بيناسبك، وبالحب لا تخلي الحبيب يمل من الانتظار
العذراء ♍
عم تحاول وتسعى بكل قوتك لحتى تغير من وضعك الحالي وخصوصا موضوع البيت أو السكن، بس بدي منك تطول بالك شوي لأن الأمور رح تتغير للأفضل قريبا بإذن الله، وبالك مشغول بوضع أحد الوالدين وعيلتك والجو العام بالبيت، لهيك حاول تضل رايق وما توتر حالك لتمشي المركب، وكمان في قصة بتخص الأبناء أخدت حيز من تفكيرك، ومن الناحية المالية عم تاخد كتير من وقتك وتفكيرك بس طمن بالك لأن وضعك المالي بطلوع وفي تحسن واضح جدا، وفي مبلغ مالي رح يوصلك من شخص مسافر وكمان في رزقة حلوة جاية من ورا تعبك وشغلك ومجهودك اللي بذلته.
عاطفيا
الظروف بهي الفترة عم تلعب دورها وعم تحس بشوية تباعد أو جفاء بينك وبين الشريك، بس هاد الشيء مؤقت وهي مجرد مرحلة ورح تمر على خير، وبترجع أموركم منيحة وأحسن من قبل بكتير بس بدها شوية صبر.
صحيا
من الناحية الصحية بدك تدير بالك على عيونك ، وانتبه كمان من أوجاع المفاصل ولا ترهق حالك
نصيحة البرج
تغيير السكن جاي بس بدو وقت ورزقة المسافر رح توصلك ، وبالحب لا تخلي الجفاء المؤقت ينسيك العشرة الحلوة اللي بينك وبين الشريك
الميزان ♎
بدي منك تحاول ما تتسرع بقراراتك بهالكم يوم ولازم تهدي حالك شوي، وفي عندك رغبة قوية لتلاقي حل لموضوع منزل بيتعلق بالأهل، وعم تنشغل كتير بأمور مالية ومصروفات إلها علاقة بخبر بيخص الشغل، ورح تحاول تبدأ تطور من شغلك وهاد الشيء رح يصير فعلا بس بدك تعطيه وقته وما تستعجل النتائج أبدا، وكمان عم تفكر كتير بترتيب وضع عيلتك ومستقبلهم، بس انتبه كتير بهي الفترة من أي سوء تفاهم أو خلاف ممكن يصير مع واحد من أخواتك، حاول تمرق الأمور بحكمة ورواق
عاطفيا
أنت بهي الفترة بحاجة لتمسح أي أفكار سلبية عم تخطر ببال الشريك ولازم تطمنه وتكون جنبه، وحاول تستغل الوقت لترجع الأمور لطبيعتها وتنهي أي زعل، وبالنسبة للبعض منكم في موضوع ارتباط جدي عم ينطبخ على نار هادية بس في شوية مخاوف عم تطلعلك فجأة، لهيك حاول ما تتسرع وادرس خطواتك صح
صحيا
من الناحية الصحية بدك تنتبه كتير من أوجاع الظهر اللي عم تضايقك، وكمان دير بالك من بعض أوجاع أعصاب اليد ولا ترهق حالك
نصيحة البرج
قراراتك بدها رواق لتمشي صح، وقصة البيت رح تنحل بس ابعد عن الخلافات مع المقربين وبالحب بدو قلب قوي وعقل واعي لتنجح الخطوة
العقرب ♏
في عندك شوية مخاوف من الأيام الجاية بخصوص كذا موضوع شاغل بالك وعم تنتظر أخبار من سفر، وكمان المسائل المالية والمصاريف الزايدة عم تاخد حيز كبير من تفكيرك، وأنت ناطر اتصال بخصوص مبلغ مالي رح يوصلك قريبا، وخلال هالايام في عندك شغل جديد أو مهمة رح تستلمها ورح تكون نتائجها كتير حلوة ومبشرة بالخير، وبالنسبة للي عنده أولاد فعم يشغله وضعهم كتير وبالأخص إذا القصة بتتعلق بسفرهم أو غيابهم عنك
عاطفيا
أنت بحاجة لزيادة التواصل والاتصال مع الشريك لحتى تكسروا أي حاجز أو تباعد صار بينكم ، وحاول قد ما فيك تتجنب نقاش مواضيع الانتقال والسفر بهي الفترة لأنها ممكن تسبب توتر وتنزع الرواق بينكم
صحيا
من الناحية الصحية بدك تنتبه كتير من أوجاع الأقدام وحاول ما تضغط على حالك زيادة
نصيحة البرج
مخاوفك رح تبددها الأخبار الحلوة اللي ناطرها، والشغل الجديد هو بوابتك للراحة المالية، وبالحب الكلمة الحلوة والاتصال الدائم هني اللي بيقربوا المسافات
القوس ♐
أنت بانتظار خبر مهم أو اتصال عم تستناه على نار، وعم يشغل تفكيرك المستقبل وفي أمور بتخص العيلة والإخوة عم تروح وتجي ببالك، وبنصحك تحاول تتقبل الأفكار الجديدة وتكون مرن بالتعامل معهم، وكمان شاغلك ترتيب وضعك بالشغل وعلاقتك مع مديرك أو صاحب العمل وخصوصا من الناحية المادية، وعم تشعر بضغوط كبيرة وعم تفكر تغير مكان العمل أو تبحث عن شغل أفضل يريحك، وفي موضوع قانوني وأوراق شاغلك بالك بس طمن بالك لأنو الأمور رح تصفى لصالحك بإذن الله.
عاطفيا
في حلول قريبة لمسائل كانت عالقة بينك وبين الشريك ولحالة التباعد اللي صايرة، وفي مؤشرات قوية لرجوع الأمور لمجاريها، الشريك عم يتعرض لضغوط من طرف الاهل وكمان عنده شوية ضغوط مالية مأثرة عليه
صحيا
من الناحية الصحية بدك تنتبه كتير من وجع العيون اللي عم يضايقك ، وكمان دير بالك من وجع بأحد الأقدام وحاول ترتاح
نصيحة البرج
الخبر اللي ناطره رح يغير مجرى أمورك، وبالشغل لا تتسرع بالترك قبل ما تلاقي البديل الأضمن ، وبالحب الشريك محتاج شوية وقت ليتخلص من ضغوطه وتمر الفترة الصعبة
الجدي ♑
بالك مشغول كتير بمستقبلك ومستقبل العيلة، وفي موضوع انتقال ومنزل عم ياخد من تفكيرك وفي حكي عم يدور حول تأجيل هاد الموضوع شوي، وبدي قلك إنو في توافق وتأييد كبير لأفكارك من اللي حولك بس النصيحة إلك إنك ما تخلي الظروف المحيطة فيك تأثر عليك وتخليك تتراجع نفسيا، وعمليا وضعك رايح للأحسن بكتير بس حاول ما تأجل مهامك لحتى ما يتراكم عليك الشغل وتغرق فيه، والمال والمصروفات كمان شاغلينك بس في تحسن واضح وفي مبلغ مالي قادم بالطريق لاحقا، وانتبه كتير لعلاقتك مع المقربين والإخوة ولا تخلي التوتر يسيطر على الجلسة
عاطفيا
يشغلك مستقبلك العاطفي والظروف الحالية اللي عم تمر فيها، وعم تحس بشوية صعوبة مع الشريك بهي الفترة، بس طمن بالك لأنو هاد الشيء مؤقت، حاول تخلي هالأيام تمر على خير وبرواق وبترجع الأمور للأفضل وأحسن من قبل
صحيا
من الناحية الصحية بدك تدير بالك على حالك كتير وتنتبه من أوجاع البطن ، ولازم تهتم بنظامك الغذائي لصحتك
نصيحة البرج
تأجيل موضوع السكن فيه خيرة إلك لحتى ترتب أمورك المالية أكتر، وبالشغل الهمة العالية هي اللي بتوصلك، وبالحب طولة البال بتمحي أي سوء تفاهم مع الشريك
الدلو ♒
بدي منك تضل متفائل قد ما فيك ولا تخلي الظروف الصعبة تأثر على نفسيتك، وبالك مشغول بوضعك في العمل وعلاقتك مع زملائك ومع صاحب الشغل لهيك خليك منتبه كتير لحتى يضل شغلك مستقر ومستمر لأنك أحيانا عم تمر بضغوط كبيرة، وكمان المال والمصروفات شاغلين بالك وهاد الشيء مخوفك من المستقبل ، بس في موضوع مالي مع ناس مقربين رح ينتهي ويخلص ، وفي دعم واضح لأفكارك بس بدك تنتبه من التوتر مع الإخوة والمقربين ، وكمان لازم تاخد حذرك من أحد الأصدقاء ، وفي عندك نقاشات بتتعلق بموضوع عقار
عاطفيا
حاول تتقرب من الشريك أكتر وتفتح باب صريح للتفاهم وما تضل متردد بقراراتك لأنك أحيانا عم تحس بحالة نفور مع الشريك وهاد الشيء بدو طولة بال ليرجع الود بينكم متل الأول وأحسن
صحيا
من الناحية الصحية بدك تدير بالك على حالك بشكل عام وعلى نظامك الغذائي ولا تهمل صحتك أبدا، وخصوصا انتبه من موضوع ضغط الدم وأوجاع الرأس، وكمان في بعض أوجاع بالأقدام
نصيحة البرج
تفاؤلك هو اللي بيفتحلك بواب الرزق، وعلاقتك بالعمل بدها دبلومسية لتمشي الأمور، وبالحب اترك التردد وواجه الشريك بقلب قوي لتنهي حالة النفور
الحوت ♓
بدي منك تنتبه كتير بهاليومين وتحاول تمررهم على خير وبدون أي مشاكل، لأنك عم تحس حالك وتفكيرك ومزاجك متراجعين شوي وعم تتمنى من قلبك يتغير وضعك للأحسن ، ويشغلك موضوع المال والمصروفات وفي مسائل مالية عم تروح وتجي ببالك وخصوصا قصة سداد بعض الدفعات اللي عليك ، وعندك مخاوف من المستقبل وبدك الأمور تصفى وتنحل على خير ، وحاول قد ما فيك تضل هادي ضمن المنزل لحتى تمر أيامك بدون خلافات ، وعمليا بنصحك تبحث عن فرص عمل أفضل بتناسبك ، وبالك مشغول بترتيبات بتخص موضوع شغل سابق وبدك تلاقي لها حل نهائي
عاطفيا
في عندك شوية تردد عم يخليك تراجع حساباتك ، نصيحة إلك حاول تحسم أمرك وما تضل مأجل امورك ، وعندك فرص كتير حلوة بهالفترة لحتى تحل أي سوء فهم صار، وأنت هلق بمرحلة انتظار وبدك الشريك هو اللي يبدأ بالخطوات تجاهك
صحيا
من الناحية الصحية بدك تدير بالك على حالك كتير ، وانتبه من أوجاع الصدر اللي عم تضايقك ، وكمان دير بالك من أوجاع الظهر ولا تحمل حالك فوق طاقتك
نصيحة البرج
رواقك بالبيت هو اللي بيحفظ طاقتك ، وسداد الديون بدو تنظيم ورح تخلص منها قريبا ، وبالحب لا تضل ناطر كتير ، أحيانا الخطوة من طرفك بتقصر مسافات الزعل
