بطلي تغيري فيه وابدأي تغيري فيكي انتي
بطلي تغيري فيه وابدأي تغيري فيكي انتي
كتبت/شمس فتحى
متحاوليش تغيريه غيري نفسك
وهو هيتغير معاكي
بلاش تضيعي وقتك في محاولة تغيير راجل مش عايز يتغير
السر في “التأثير” مش التغيير
كتير مننا ضيع سنين وهو بيحاول يغير الراجل اللي معاها
اتكلم كذا اعمل كذا بطل كذا
غير طريقتك غير اسلوبك
والنتيجة؟ صفر بل بالعكس كل ما حاولتي تغيريه كل ما بعد أكتر وعند أكتر
الحقيقة اللي محدش قالها ليكي
الراجل مبيتغيرش بالكلام
الراجل بيتغير بالطاقة
لما تفضلي في طاقة الزن والعتاب والمحاضرات هو لا شعوريا بيدخل في طاقة الدفاع والهروب والتطنيش بتحسسيه انه فاشل
فبيهرب منك حتى لو بيحبك
لكن لما طاقتك انتي بتتحول
لما تبطلي تلفي حواليه وتخليكي
انتي المركز
لما تبطلي عصبية وتتحولي لهدوء
لما تبطلي تسترجلي وتتحولي لدلع وأنوثة حقيقية
ساعتها اللي بيحصل سحر
الكلام ده ليا وليكن ولك ست عايزة حياتها افضل يمكن مش بسهولة لكن لازم تتغير لان النتيجة أن هو لا شعوريا ردود فعله بتبدأ تتغير عشان تناسب أنوثتك الجديدة غصب عنه دي فطرة ربنا خلقها فيها الراجل بيتبرمج على طاقة الست اللي قدامه
انتي الترمومتر
لو انتي سخنة ومتوترة وقلقانة
البيت كله هيسخن
لو انتي هادية ومتطمنة ودلوعة
وواثقة في نفسك هو هيهدى
وهيتطمن وهيقرب
متحاوليش تغيريه غيري نفسك
وهو هيتغير معاكي
اتعلمي فن التأثير النفسي على الرجل
اتعلمي امتى تسكتي وامتى تتكلمي
امتى تدلعي وامتى تكوني حازمة..
امتى تكوني قطة وامتى تكوني ملكة
التأثير مش ضعف.. التأثير هو قمة القوة
الست الذكية مش اللي بتعلي صوتها الست الذكية اللي بنظرة واحدة تخليه يعمل اللي هي عايزاه وهو مبسوط وفاكر انه قراره
