المقالات والسياسه والادب
خواطر روح بقلم شاميه كساب
خواطر روح
مفتاح الجنه على الأرض : إلى ملوش سر ملوش سحر
أخفى عن الناس ( ذهبك ، ذهابك ، مذهبك )
اجعل الكلمه لمن يقدرها و النصيحه لمن يستحقها و المساعده لمن يطلبها غير ذلك لا تهدر طاقتك حوشها لموقف يستاهل عيب تضيع طاقتك على تفاهات اشترى دماغك
ردك على اد السؤال و ودك على اد المحبه و لا تتعامل مع الابتلاء أنه المنتهى
يجب أن تعلم ان المواقف تتبدل و الأشخاص تتغير أن الحزن ينتهى و الاشخاص تختفى و تبقى انت وحدك فقط فشترى دماغك إلى مستعجل وسعله الطريق و الموقف الى يخلص بفلوس ادفعها اشترى راحه بالك و انت الكسبان و الى يخلص بمعلش يبقى معلش و فرصه سعيده ملهاش فرصه تانيه
و اعرف ان الدين بيتسد و المشاكل بتتحل و الوقت بينسى !!!! طب ليه تستنى الوقت انسى فى لحظتها و لو وقعت فى الطريق قوم و نظف هدومك و كمل مشى افتكر أن ميقعش غير الشاطر
جرب تقف ادام نفسك فى المرايه و أسألك نفسك
ايه هو رأس مالك ؟ هتلاقى الاجابه دماغك فشترى دماغك بأى سعر
