المقالات والسياسه والادب

صمت الكلمات وحيرة الروح

صمت الكلمات وحيرة الروح

بقلم: عفاف مسلم

 

صمت الكلام زاد وتاهت المعاني

وكل الكلام اتقال.. من الوحدة بيعاني

تلميح يجر تشبيه، والمعنى فيه كسوف

واللفظ عاد مبحوح، خارج بصوت مكتوم

 

تِهنا في سكة غياب، والشوق في البال بيلالي

وصوت الصدى بيرد، في عتمة ليالي

نادي لـ حلم غاب، ومفيش جواب راجع

والليل يمد إيديه، ويقلّب المواجع

 

بين السطور بنموت، والضحكة ممسوحة

والروح ورا الجدران، مكسورة ومجروحة

العين تشيل الدمع، وتداري في الحروف

يا وحدتي والآه.. كام يوم وهيدوم؟

 

وينك وعمري يفوت في زحمة النسيان؟

والقلب طير حزين، ملوش جِناح وأوطان

سافرت من غير وداع، وسبتني محتار

بين السكوت والآه، مفيش معاك أعذار

 

العمر بعدك ليل، ملوش صباح ونور

والخُطوة فوق الشوك، والوقت مش بيدور

أرجع تلملم روح، تاهت في غيبتك

ولا خلاص هيموت.. حلمي في سكتك؟

مقالات ذات صلة