نظره واحده مقصوده منك قادره على هدم كثير مما بنيته قادره على ارجاعك الف خطوه للوراء تورث حزنا عميق وتجعل الحياه رماديه اللون وباهته.
لا يبعدك الله عن شيء الا ليعلم مقدار الضرر الذي سيلحق بك في ناس وجودهم في حياتك مش بيزودك بس بينقص منك بل بياخد طاقتك ووقتك وراحتك وكل مره بتقول يمكن يغيروا بس الحقيقه انك انت اللي لازم تتغير قبل ما تخسر نفسك.
وفي لحظه هدوء بتبص حواليك وتكتشف انك كنت بتجري وراه حاجات مش ليك وبتتعلق بناس ما كانوش ليك؛ وساعتها هتضحك ؛ضحكه فيها وجع وادراك وتقول لنفسك اخيرا عرفت اختار نفسي ساعتها هتبطل تدور على اجابات للاسئله اللي محيراك وهتبطل تسال ليه وهتبدا تتقبل كل حاجه زي ما هي مش لانك راضي لا لانك فهمت انك محتاج تعيش وانت مقدر نفسك؛ لانك في كل مره بتدور على دعم من الناس فانت ما لقيتش سند غير نفسك؛ وساعتها هتبطل تزعل على الناس اللي مشيت وهتبطل تبرر سكوتهم وسكوتك. السكوت مش دايما راحه ساعات بيكون صرخه مش قادر تطلع الابتسامه ممكن تكون محاوله اخيره للهروب من اللي جواك ما تغركش الملامح في قلوب بتنزف بصمت.
ساعتها هتفهم ان اللي كان المفروض يكون جنبك ما كانش محتاج دعوه للبقاء وسلامك الداخلي مش في الرجوع ليهم سلامك الداخلي في انك تختار نفسك.
لانك بتوصل لمرحله تحس فيها انك مش محتاج حد يسمعك ولا حد يطبطب عليك كل اللي محتاجه انك ترتاح من نفسك من دماغك من افكارك اللي مش سايباك في حالك من المعارك اللي كل يوم بتبدا من غير ما تختارها.
زي الناس اللي ما بتنامش من كثر التفكير وما بتحكيش من كتر الخزلان وما بتعيطش من كتر الدموع انها خلصت.
ناس انكسرت كذا مره وكل مره لملمت نفسها لوحدها بتضحك وسط الناس بس جواها صمت رهيب ووجع لو اتقال ما بيتفهمش فاختاروا يسكتوا الوجع ويكملوا كانهم زي الفل وهم اصلا على حافه الانهيار.
