صينية بطاطس بالفراخ في الفرن

صينية بطاطس بالفراخ في الفرن

صفاء مصطفى 

المقادير

1 كيلو بطاطس

4 قطع فراخ

2 بصلة شرائح

2 فلفل أخضر

2 طماطم شرائح

3 فصوص ثوم مفروم

كوب عصير طماطم

ملعقة كبيرة صلصة

ملح وفلفل أسود

نصف ملعقة كمون

نصف ملعقة بابريكا

رشة بهارات فراخ

3 ملاعق زيت

كوب ماء أو شوربة

الطريقة

قطعي البطاطس شرائح متوسطة، وتبلي الفراخ بالملح والفلفل والكمون والبابريكا وبهارات الفراخ والثوم.

في صينية، رصي البطاطس والبصل والفلفل والطماطم.

اخلطي عصير الطماطم مع الصلصة والزيت وكوب الماء والتوابل، وصبيه على البطاطس.

ضعي قطع الفراخ فوق الخضار وغطي الصينية بورق فويل.

دخليها فرن ساخن على 200 درجة لمدة 45 دقيقة تقريبا.

شيلي الفويل وسيبيها 15 دقيقة إضافية لحد ما الفراخ تتحمر والبطاطس تاخد لون جميل.

الحركة الحلوة: قبل ما تطلعيها بـ5 دقائق، ادهني وش الفراخ بملعقة صغيرة زبدة أو سمنة، هتديها تحمير وطعم أحلى.