المقالات والسياسه والادب
مش بالكُتر باللي لايق عليك
كتبت/د/شيماء صبحي
مش بالكُتر باللي لايق عليك
في وقت كتير بنجري ورا الأكتر… أكتر ناس، أكتر فرص، أكتر كلام… وننسى إن الحياة مش سباق تجميع، الحياة اختبار جودة.
الأنسب دايمًا بيكسب، حتى لو عدده قليل… حتى لو شكله بسيط… حتى لو مفيهوش بهرجة.
لإن اللي على مقاسك هو اللي هيخدم روحك، وهيزوّدك قوة، وهيخليك واقف على رجلك مش مكسور ولا مُستنزف.
نفَر ولا اتنين يكملوا معاك للنهاية… حقيقيين، ثابتين… أحسن بكتير من عشرين صاحب وجودهم زي قلته.
كلمتين طالعين من القلب يحطّوك على الطريق، أهم من ساعات كلام يدوخك ويشتتك ويضيعك من نفسك.
فرصة صغيرة لكن مناسبة لقدراتك، هتكمّل بيها وتعلى، أحسن من فرصة كبيرة “شكلها حلو” بس تشيلها بعد أول خطوة وتِتكسَر تحت تقِلها.
الدنيا مش قائمة حضور، ولا علاقة حجمها يقاس بعدد.
الدنيا مقياسها:
مين فاهمك؟
مين مناسبك؟
مين وجوده راحة مش عبء؟
مش بتتحسب بالأكتر… بتتحسب بالأصح.
الأنسب هو اللي بيعيش… الباقي بيعدي.
خطوات عملية تخليك تختار “الأنسب” مش “الأكتر”:
1. اعرف مقاسك الحقيقي
اسأل نفسك: أنا محتاج إيه؟ مستوياتي؟ قدراتي؟ طاقتي؟
متجريش ورا اللي شكله كبير… اجري ورا اللي يناسبك.
2. قيّم العلاقات مش بعددها لكن بأثرها
شوف مين بيزودك… مين بيطمنك… مين وجوده مشروط ومين وجوده ثابت.
3. اسمع قلبك… بس شاور عقلك
لو الحاجة مريحة بس أكبر منك، هتستهلكك.
ولو أصغر بزيادة، هتعطلك.
4. اختبر قبل ما تقرّب
ادّي كل فرصة وقتها قبل ما تحكم.
اللي مناسب هيبان من أول مواقفه… مش من أول كلامه.
5. اقبل القليل لو كان حقيقي
مش لازم تبقى محاط بالعالم كله… المهم تبقى محاط بالصح منهم.
6. ارفض اللي مش على قدك
اللى مش لايق عليك هيكلفك ضعف مجهودك ومش هيديك نص نتيجته.
في الآخر…
الأنسب هو اللي بيكمّل،
