مطبخ الكنانة بنا ريد صوص بقطع الاستيك وفلفل الألوان

بقلم..مريم وجدى

نجدد اللقاء مع مطبخ الكنانة وطريقة عمل

بنا ريد صوص بقطع الاستيك وفلفل الألوان 

المكونات:

 • 300 جم مكرونة بنا مسلوقة

 • 250 جم لحم استيك مقطع شرائح رفيعة

 • 1 بصلة صغيرة مفرومة

 • 1 فص ثوم مفروم

 • 1 كوب فلفل ألوان مقطع شرائح

 • 1½ كوب صوص طماطم جاهز أو محضر

 • 2 ملعقة كبيرة صلصة طماطم

 • ½ كوب ماء أو مرقة

 • 1 ملعقة كبيرة زبدة

 • 1 ملعقة كبيرة زيت

 • ملح – فلفل أسود

 • بابريكا

 • رشة زعتر أو أوريجانو

 • رشة سكر (تظبط الطماطم)

طريقة التحضير:

 1. على طاسة سخنة جدًا…

ضيف معلقة زيت وسيّح معاه الزبدة، وانزل بشرائح الاستيك وسيبها تاخد لون ذهبي من الجهتين.

ارفعها على جنب.

 2. في نفس الطاسة، ضيف البصل يشوّح لحد ما يلين، وبعدها الثوم.

 3. نزل بفلفل الألوان وقلبه دقيقتين بس يخليه كرانشي.

 4. ضيف صوص الطماطم + صلصة الطماطم + المياه/المرقة.

حرّكهم وسيبهم يغلو 3–4 دقايق.

 5. تبّل بالملح والفلفل والبابريكا والزعتر + رشة السكر.

 6. رجّع قطع الاستيك على الصوص وسيبهم يتسبكوا دقيقتين فقط علشان اللحمة ما تنشفش.

 7. انزل بالمكرونة وقلب كله مع بعض على نار هادية لحد ما الصوص يغطّي البنا كويس.

 8. قدّمها سخنة…

 نصائح 

 • لما تحمّر الاستيك في الأول ما تقلّبهوش كتير… سيبه ياخد لون محترم.

 • لو عايز الصوص يبقى ناعم أكتر… زود معلقة صغيرة زبدة آخر خطوة.

 • الباستا دي تمشي جامد جدًا مع رشة جبنة برميزان فوق التقديم.

 • فلفل الألوان مهم جدًا في الطبق ده… بيدي طعم