مطبخ الكنانة خشاف بالحليب والبلح والفواكه المجففة

بقلم .مريم وجدى

نجدد اللقاء مع مطبخ الكنانه وطريقة عمل

خشاف بالحليب والبلح والفواكه المجففة ينفع لرمضان اعاده الله علينا وعليكم بالخير والبركات 

المقادير: 

كوبايتين حليب ساقع، نص كوباية بلح طري ومتقطع (منزوع النوى)، نص كوباية مشمشية مقطعة مكعبات، ربع كوباية تين مجفف مقطع، ربع كوباية قراصيا مقطعة، معلقتين كبار زبيب، معلقة كبيرة جوز هند مبشور، رشة مكسرات مشكلة (لوز، عين جمل، كاجو) للتزيين. ممكن معلقة عسل لو بتحبي سكر زيادة. 

الطريقة:

في بولة كبيرة، حطي كل الفواكه المجففة (البلح، المشمشية، التين، القراصيا، الزبيب، جوز الهند). 

صبي الحليب الساقع عليهم، وممكن تضيفي معلقة العسل لو عايزة. 

قلبيهم كويس أوي مع بعض، وغطي البولة.

دخلي الخشاف التلاجة وسيبيه أقل حاجة ساعتين عشان الفواكه تطرى وتشرب من طعم الحليب. 

وقت التقديم، صبي الخشاف في أطباق التقديم وزينيه برشة المكسرات المشكلة.