المحكي اللبناني عن الزعل يلي بفرق الرفقا،،،، وبياخد معه اللحظات الحلوة ،،، وبخلينا ننسى العشرة ،،،، ونتذكر المواقف البشعه،،،،، وبنضيع سنين وشهور بفكرة،،،، وبتبدا مرحله التجهيز للنشرة،،،، شوفي بالقلوب مخبى يلا نفضحه ونطلعه لبرا،،،، السر يلي تأمنا عليه بنحكيه وبننسى الأمانه،،، الثقه يلي عطيونا ياها بتتبخر ،،،، حتى بنصير بنكره نذكر الأسامي ،،،،، ببطل في شي منيح نشوفه ونحكي عنه ،،، مين علمنا أن نهايه العلاقات فضايح،،،، وأن سوء الفهم بالرواق ما ممكن يتوضح،،،، وأن لازم ننسى المواقف الإيجابيه وقت العلاقه تكون منتهيه،،،،، وأن واجب نحكي بالسلبيات ونخلي عواطفنا مهريه،،،، مين علمنا أن ولاممكن يكون في وقت حلو نتذكره ،،،، أن في ذكريات مرقت ممكن نعيدها مع رفقا جديدة،،،، وأن سهل نطوي العلاقات متل مابنطوي الجريدة،،،،، مين علمنا أن مالازم تكون نهايه العلاقات أخلاق حميدي،،،ولحظات حلوة وسعيدي،،،، مين علمنا من بعد ماكنا آبار أسرار ،،،،نتحول فجأة لنبعه عم تصب بنهر بيوصل مجراه للبحر ،،،،، عيب كتير عيب مانحافظ على الود ،،،،وعيب كتير عيب نجيب سيرة شخص كان بيوم برفقتنا لو انتهت فيه علاقتنا ،،،،عنا كلمه حلوة بحقه نقولها ،،،،ماعنا شي نسكت ونراقب بعيونا،،،،أصلاً الشماتين فينا كتار ،،،،، وأگيد ناطرين الفرصه ليستغلونا ،،،،وياخدونا بالقصص والحكي يجيبونا ،،،،وع شم أخبارنا الأوكسجين عندهم فعال،،،،وبرج المراقبه عندهم ليل نهار شغال ،،،،،لهيك اذا تخانقنا مش يعني صرتوا عدونا ،،،،،ويعني بنكرهكن وبتكرهونا ،،،،هيي بس مجرد عدم اتفاق بالعقول ،،،،أو عدم انسجام بين بعضنا كمان معقول،،،،او حدا فينا خانوا سوء الظن ،،،،، أو سوء الفهم،،،، حقنا ناخد موقف ونزعل ،،،،بس مانسمح للزعل يكبر،،، مانخلي قلوبنا سودة وعيوننا عن الأيام الحلوة تعمى،،،،بالنهاية هول الرفقا بقيوا أو فلوا رح بضل إلهم معنا ذكرى
