القصيدة بعنوان ( نواب ورق ) 

 

القصيدة بعنوان ( نواب ورق ) 

من ديوان خارج الزمن.. للأديب الشاعر والسيناريست/ خالد الجمال 

القصيدة 

نواب ورق 

أعزف 

علي أوتار الدمع النازف فينا سراب 

لحن هواك 

أوعاك 

تتحصن 

بحصن حصانة ذاتك 

و ألقاك 

خارج بره حدودك 

تنسي ملامح المطلوب 

و تدوب 

في سوكات مطلوق جواك 

معصب عينك 

لجل ما تخفي حقيقة نفسك 

وترضي ضميرك 

معرفشي أزاي 

وتقول 

مش شايف أي أدين مرفوعة لفوق

تطل عليك تنده بكرة 

الراحل منها سراب 

برضاك 

بترجي هواك 

أصل هواك وخدك منا 

طاير بيك 

ويحلق في سما 

مش شايف غيرها 

كاتبة كتابك 

علي أنقاض أولاد وعيال 

تايهة جواك 

أجيال ورجال 

فكرة محبوسة 

علي أبواب الحلم الراحل منها 

أطلال مفرودة 

بتعشش في مشاعر نفسي 

وبحاسب نفسي بلعن ورقة 

في يوم أتمدت ليا قالتلي 

قوم يلا اختار واختارتك 

فكرتك حلم يداوي جروح

ويلملم في حشانا نزيف الروح 

بس لقيتكم 

نواب أغراب 

عنا وعن أحلامنا 

قولنا قدرنا 

دا المكتوب 

يبقي نائبنا ورقة بتلمع 

ملهاش صفحات 

أو نقطة في خط 

يوازي بكرة ال جاي 

تأليف الأديب الشاعر والسيناريست خالد الجمال 

من ديوان خارج الزمن