المقالات والسياسه والادب
الفكر يحاكي صورة ملفينا توفيق ابو مراد
الفكر يحاكي صورة
هونيك يوم و انا جايي
ع البيت لقيت صورة مخباية
تحت دعسة العتبة بتقلي
فوتي شوفي شو الحكاية
فتت ما لقيت غير الصدى
والع بهالمدى ما في حدا
فكري نسي الصورة
مع انها بايدي
نظري ساح وين ؟ شو؟
مين القاصد و المقصود ؟
صرت ابحث ع الهدى
فكري اشتغل بالمدى
هالصورة مين تحت
الدعسة حطها ؟
تيشغل بالي ؟
او تيقلي متل ما الصورة مبينة
ممحية الا من خيال للفانية
انا رح فل ؟ بلا عطر الفل
و لا عطر ورد بعز البرد…
رديت علي الصورة الباهتة :
لا تشردي و تفكري
مين هو مصدري
مش رح تفلي ، الفالل حاطهها
بيذكرك يا ناسية
هاك اللي نشلتيه من ضيقو
جايي يقلك رجع غريقو
اذا بعد فيك روح ؟
يلي كان فاكرو صديقو
طعنو بالمقتل ،
بعد فيكي تساعدي ؟
صار فكري يحي و يقتل
ما كنت اتذكر و لا اتفكر
النسيان ضارب طنابو
عم يشعل بواب ع غيابو
يفوت بدهاليز
يبابش بلا تركيز
يسال الصورة:
خبزيني ، ليش جايي
حتى تجننيني ؟
الافضل احرئك و ارتاح
او خزئك نتاتيف
و طيرك مع ال ريا ح
مخي تعب ، جسمي انهد
ما بقى فيي بقوتي اعتد.
٢٠٢٦/٥/١١
