المقالات والسياسه والادب
مشاعر لن تتكرر بقلم تغريد نافع
مشاعر لن تتكرر
تلاقي ناس كتير تقولك فلان ده الحب الحقيقي في حياتي رغم أنه عمل فيا وسوا فيا بس لسه بحن لأيام حبنا وله وكلام من ده كتير .
في الحقيقة النفس البشرية السوية بتنفر من إللي مبيهتمش بها ولا يقدرها أو إللي محبهاش كفاية وراعي اهتمامتها واحتياجاتها .
سؤال بيفرض نفسه ليه بتفتكرهم وتحن لهم ؟!
في الحقيقة عندك ضبابية في رؤية الموضوع أنت مش بتحن له أنت بتحن للمشاعر الحلوة إللي حطتها في العلاقة دي، صعبان عليك المجهود إللي بذلته وصعبان عليك أنه راح كده في الهوا بس كده.
عاوز تتأكد أن كلامي صح ؟
لو جاتك الفرصة مرة تانية أنه يرجعلك في احتمالين هيحصلوا
الأحتمال الأول: انت هترفض لأنك متأكد أنه مش هيريحك ولا يسعدك .
الأحتمال التاني :هتجرب وتاخد كف تاني على الخد التاني وتقول يا ريتني ما جربت .
