المقالات والسياسه والادب
ياحب جالى بعد عذاب كتبت /شمس فتحى
ياحب جالى بعد عذاب
انا غيرك مليش أحباب
ياعوضى على صبر سنين
ياهدية رب العالمين
ياعشقى يامعشوقى
يادم بيجرى فى عروقى
انا اسيرك ومسجونك
مش اتمنى يوم أخرج
من اسرك ولا سجنك
انا مدمن لملامحك وعيونك
ياسرقنى من حالى
ده بيك انت وبس الدنيا تحلالى
وانا راضى اخطفنى من الدنيا
ومن ناس ومن اى حياة تانية
ياحظى الحلو وأحلى حظوظ الكون
انا فى عشقك انا الغرقان انا المغروم
انا المفتون من نظرة دى مش نظرة
ده احلى نصيب وقسمة
ياجنتى فى الدنيا وفى الآخرة
انا راضى ومستكفى
يااكتر من اللى اتمنيته
يافرحة باينة فى عيونى
مهما إدارى واخبى
يادعوة فى كل صلواتى
يدومك لآخر لحظة بحياتى
