الفول الحراتي بالصلصة

الفول الحراتي بالصلصة

كتبت / شمس فتحي 

اليكي اكله شتوية لذيذة وسهله ومفيدة ليكي ولاسرتك 

ستمنحهم الدفء وتقوى مناعتهم

المكونات :

نصف كيلو فول حراتي رومي ومتفصص

نصف كيلو طماطم متقشرة

بصلة متوسطة مفرومة

۱ ملعقة سمنة كبيرة

۲ ملعقة زيت كبيرة

۲ فص ثوم مفروم

نصف ملعقة بهارات مشكلة

نصف ملعقة كزبرة ناشفة 

ملح وفلفل أسود

۱ كوب ماء

الطريقة :

حطي الطماطم في الخلاط وتخلط جيدا 

هاتي حلة على نار متوسطة وسخني فيها السمنة والزيت، وضيفي عليهم البصل لحد ما يتشوح

ضيفي الثوم وقلبيهم لمدة دقيقة، وبعدين ضيفي الفول والملح والفلفل الأسود والبهارات والكزبرة، وقلبيهم مع بعض لمدة ٥ دقائق

ضيفي عصير الطماطم وسيبيه شوية لحد ما يغلي، وغطي الحلة وسيبيها لمدة ١٥– ٢٠ دقيقة لحد ما الصلصة تتسبك

ضيفي المياه وسيبي الفول يستوي على نادر هادية لمدة ٤٥ – ٦۰ دقيقة