رغبة الحنين
خلف جدران الزمن
حكايات تنحكى مواويل
جدران طواها النسيان
جواها حلم جميل عشناه
ع الربابة غنوا المواويل
سمعت هناك همسات
ضحكة باهتة
دمعة نازلة
تروى أرض بور
من سنين عطشانة
وشجرة توت هناك
جنب الساقية المهجورة
تحكى صدى سنين
كتير عشناها.
جوانا..كان حلم كبير
نبنى جدار
وراه نداره
وبصوت عالى تحكى
وأنا وياك نحكى ونروى
قصة..حدوتة …حكاية
جوة الدار ..فى ركن
مرمية..
غطاها تراب الزمن
اللى يوم ورا يوم
خلى بيا .
شق الجدار
صرخة قوية
صرخة زمن غفلان
لم عليا حدادى وغربان
سألت.
الكل تاه خلف الجدار
نسيان.
*********
محمد المصرى
