“في رحلتي مع الحياة، مررت بتجارب كتيرة، واجهت فيها تحديات كبيرة. لكن في وسط كل الضغوط والتحديات، كنت علي يقين إن الإيمان بالله والقرب منه هو اللي بيدعمني ان اكون أقوى وأقدر أواجه كل حاجة.
في فترة غيابي عن الفيسبوك، كنت أبحث عن السلام الداخلي والراحة النفسية. لكن في نفس الوقت، كنت حاسة بالوحدة والعزلة. للأسف الابتعاد عن العالم الافتراضي اكتشفت ان كان له تأثير كبير على نفسيتي، وبدأت أشعر بالضياع واقع في حيره دائماً
لكن في وسط كل الضغوط، كنت دايماً بقول “هتحمل وجزائي عند الله”. وبأكد ان اللجوء الي الله في الأوقات الصعبة بيكون مصدر قوة وطمأنينة كبيرة. كنت بجد أبواب نور مفتوحة أمامي فجأه بعد الاحباط، وكنت بقدر أكمل تاني من جديد.
دائماً بقدم كل حاجة تسعد المحيطين عن طيب خاطر. وماكنت بنتظر شكر حتي في المقابل. لكن الضغوط الكبيرة كانت بتأثر عليا، لولا الدعم السريع الحقيقي في اللجوء الي الله فعلا كنت شعرت بالسوء لضعف قوتي والانهيار امام الصعوبات والتحديات اللي انا عايشاها
لذلك قررت أرجع للفيسبوك، مش بس علشان أتواصل مع الناس، لكن كمان علشان أشارك تجربتي وآرائي معاكم. أتمنى أن تكون تجربتي تكون مفيدة ليكم، وإن شاء الله نستفيد كلنا من تجارب بعض.
في النهاية، عايزة أقول لكل الناس اللي بتمر بتجارب صعبة، متستسلموش. افتكروا دائماً أن الله معاكم، وهو اللي هيفرجها عليكم. وهتخرجوا من كل تجربة أقوى وأصلب. أنا مؤمنة إن كل تجربة بتعلمنا حاجة جديدة، وبتخلينا نقدر نواجه التحديات اللي بنقابلها.” ومهما قابلنا ناس سيئة صدقوني اكيد هنقابل ناس تستحق وجودنا معاهم
